2022-04-14 17:31:06
Білем, сен студентсің. Сен айлығы аз, қыдырысы көп жассың. Әйтеуір біріне тартсаң біріне жетпей жүреді. Ақша әр кез жетпейді. Үйге нан аласың, су әкелесің. Бәрі ақша.
Бәлкім, сол үшін кейде автобуста жол ақысын төлемейтін шығарсың. Сәл болсын үнемдеп қалғың келеді. Түсінемін. Сол ақшаға кешке нан алмаймын ба одан да деп ойлайтын да шығарсың.
Бірақ, сәл ойланшы. Автобус та біреудікі. Ол да біреудің ақшасы.
Иә, түсінем "ой, менің 90 теңгемнен" ол кедей боп қалмайды деп ойларсың. Сенікі дұрыс, одан ешкім кедей болмайды. Даже сен де.
Бірақ ол жерде ырыздық-несібе, ұят деген дүниелер жатыр. Құндылық жатыр.
Сен біреудің ырыздығына қиянат жасап жатсың. Ал қиянаттың үлкен кішісі болмайды. Біреудің несібесіне тисең, төбедегі сенің де несібеңді ортайтады.
Көбі төлемейді деп ойласаң біл. Көпте ақыл жоқ.
Жол жүрдің бе, төлеу міндетің. Діннің өзі ақысын бер дейді. Төлемеу адами қасиетке де қайшы.
Адам боламын десең арамдықтың үлкен кішісі жоқ. Бәрінен алыс бол.
Өткенде қарындасым автобусқа төлемей жүргенін мақтанышпен айтып отыр. Дайындап тұрам, кеп қалса баса саламыз. Келмесе төлемейміз. Күнде сүйтіп жүрміз дейді. Өзі мәз.
Бүгін жұмыстан келе жатырмын. Бір кезде тексеруші кіріп қалды. Автобустың іші абыр сабыр. Менімен бірге мінген әйелдерде сол кезде төлеп жатты.
Ұсақтан ұстап қалсам, мынаны біреу білмей қалса. Сәл болсын ұтсам дейтін жымысқы ниет қой сондағысы.
Бұл жерден ұттым деп ойласаң, келесі бұрыштан төгіліп жатады.
Дәрі алуың керек боп қалар, экраның сынуы мүмкін. Күтпеген жерден аяқ киімің жыртылуы мүмкін.
Әйтеуір әділеттілік бар. Өзің де білмейсің. Ақшаны тауып жатырмын, берекесі жоқ десең, әрекеттеріңе мән бер. Ісіңді жөнде, бәлки, берекең артар.
Солай, Джони.
215 views14:31