2022-04-30 20:49:59
Егер сіз ағылшын тілін жаңадан бастап үйреніп жүрген болсаңыз, сізге әзірге "the" "a" артиклдерін қай жерде қалай қолданам деп бас қатырудың қажеті шамалы, оданда барынша жаңа сөздер мен тұрақты сөз тіркестерін жаттап әрі соларды пайдалана отырып сөйлемдер құрап сөздік қорыңызды толықтыра берген пайдалырақ. Әуелі күнделікті ұйқыдан тұру, тіс жуу, үй жинау, сабақ оқу, белгілі бір жұмыс жасау сияқты қарапайым әрекеттер жайында айтып беруді толық үйреніп алсаңыз, кейін өзіңізге ұнайтын әрі жақсы таныс тақырыптарға қатысты басқа да әңгімелер айтуға кірісе бастайсыз. Неге ұнайтын, жақсы таныс тақырып болу керек? Себебі, сіз өзіңізге ұнамайтын, жақсы таныс емес тақырыпта ағылшын түгілі қазақша да жарытып ештеңе айта алмауыңыз мүмкін. Сондықтан өзіңізге ұнайтын тақырып төңірегінде ағылшын тілінде де айтып үйрену әлдеқайда оңайырақ болмақ.
Қате-қате болса да қызық үшін ағылшынша жаза беріңіз, мазақ қылып күлгендер болса оған ренжудің қажеті жоқ, жай ғана игнор ете салыңыз да ары қарай жаза беріңіз. Өзі дым білмесе де өзгенің қателігін/кемшілігін бетіне басып тиіскеннен ләззат алатын адамдар қай кезде де болған және бола бермек, сондайлардың сөзіне бола тежеліп қалмаңыз және олар сіздің ағылшын тілін үйренем деген мақсатыңызға жету жолында ешқандай кедергі болмауы тиіс.
392 viewsBerish, edited 17:49