ҚМА Алматы қаласы бойынша департаментімен ірі көлемде «Септохи | АФМ Channel
ҚМА Алматы қаласы бойынша департаментімен ірі көлемде «Септохим» маркалы контрафактілік дезинфекциялық заттарды заңсыз дайындау және сату фактісі анықталды.
Жедел іздестіру шаралары барысында аталған өнімді заңсыз өндірген тұлғалар ұсталып, кәсіпорынның кеңсесі мен өндірістік цехы анықталды. Іздестіру шаралары нәтижесінде әрқайсысының сыйымдылығы 5 литрлік 300-ден астам бөтелке табылып, тәркіленді.
Заңсыз өндірілген және өткізілген контрафактілік «Септохим» маркалы дезинфекциялық заттардан келтірілген материалдық залалдың сомасы 20 млн.теңгеден асады.
Қазіргі таңда аталған факті бойынша сотқа дейінгі тергеу амалдары жүргізілуде.
ҚМА «көлеңкелі» экономиканың үлесін азайту және кәсіпкерлік субъектілерінің құқықтары мен мүдделерін қорғауды қамтамасыз ету бойынша тұрақты жұмысты алдағы уақытта да жүргізетін болады.
