2022-07-24 08:51:15
«Қазақстан халқына» қоры «Қазақстан халқына» қоғамдық қорының білім беру гранттары» қайырымдылық бағдарламасын жүзеге асыру аясында гранттар мен шәкіртақылар беруге конкурс жариялайды.
Бағдарлама 2022-2023 оқу жылынан бастап, Қазақстан Республикасы аумағында жүзеге асырылады
Қор бакалавриат бағдарламалары бойынша жоғары білім алу ақысын төлеу үшін мемлекеттік немесе өзге грант ала алмаған, ауылдық жерлердегі жағдайы төмен отбасылардан шыққан түлектерге, жетім балаларға және мүгедектігі бар балаларға шәкіртақы төленетін гранттар береді.
«Қазақстан халқына» қоғамдық қорының гранттары мен шәкіртақысына үміткерлер (түлектер) өзі таңдаған жоғары және жоғары оқу орнынан кейінгі білімнің білім беру бағдарламаларын iске асыратын бiлiм беру ұйымдарының (бұдан әрі – ЖЖОКБҰ) қабылдау комиссиясына 10 тамыздан бастап 17 тамыз аралығында өтінім береді.
Маңызды: үміткер өтінімді өз бетінше береді және осы үдеріс үшін жауапкершілікті өз мойнына алады, бұл ретте ҰБТ-ға қойылатын талаптар жыл сайын өзгеруі мүмкін екенін ескерген жөн, сондықтан бұл ақпаратты қабылдаушы ЖЖОКБҰ-дан алдын ала нақтылауы қажет.
Қор ЖЖОКБҰ-на қабылдауға қатысты мәселелер бойынша кеңестер мен ақпарат бермейді. Осы сұрақтар бойынша ЖЖОКБҰ-ның қабылдау комиссиясына хабарласыңыз.
Қор ЖЖОКБҰ-ның ақылы бөлімдерінде оқитын студенттер үшін стипендиялары бар гранттарды қор қаражаты есебінен оқуды жалғастыру үшінбереді. Конкурсқа кемтар, оның ішінде мүгедек болып табылатын; жетім немесе кәмелетке толғанға дейін ата-анасының қамқорлығынсыз қалған; ауылдық жерлердегі аз қамтылған отбасылардан шыққан; 1 және 2-топтағы мүгедек балаларды тәрбиелеп отырған толық емес отбасылар қатарындағы студенттер; ата-анасы/ата-анасы 1 және 2-топтағы мүгедектер болып табылатын студенттер қатыса алады.
«Қазақстан халқына» ҚҚ Білім гранттары қайырымдылық бағдарламасына құжаттарды тапсыру шарттары мен мерзімдері туралы толық ақпаратты Қордың веб-сайтында, профильдің тақырыпшасындағы сілтемеден табуға болады.
t.me/sliv2022ubt
1.5K views. ., 05:51
G
