Генералдар мен офицерлер мырзалар, сержанттар мен сарбаздар! | ҚР Қорғаныс министрлігі / Минобороны РК / Ministry of Defense of the RK 🇰🇿
Генералдар мен офицерлер мырзалар, сержанттар мен сарбаздар!
Сіздерді Конституция күнімен құттықтаймын!
1995 жылы 30 тамызда қабылданған мемлекеттің Ата заңы тәуелсіз және гүлденген Қазақстанды құрудың берік іргетасын қалады. Уақыт мемлекеттік құрылыстың негізі қаланған қағидаттары мен негіздерінің дұрыстығын, даналығын және стратегиялық болжауын барлық тұратын халықтың ғана емес, сондай-ақ біздің республика азаматтарының болашақ ұрпақтарының игілігі үшін дәлелдеді!
Армия үшін Конституция ерекше маңызды. Ант мәтінінде, мемлекетке адал болуға салтанатты әскери антында әрбір әскери қызметші «Қазақстан халқына және оның заңды түрде сайланған Президентіне адал болуға, Конституцияны қастерлеуге ...» салтанатты түрде ант береді. Біз еліміздің конституциялық құрылысын қорғауда тұрмыз және мемлекетіміздің тұрақтылығы мен өркендеуіне ешкімнің қол сұғуына жол бермейміз.
Біздің армиямыздың жетістік деңгейі де ел басшылығының әскери қауіпсіздікті қамтамасыз етуге деген жауапты көзқарасының айқын дәлелі болып табылады.
Қарулы Күштер жылдан жылға өздерінің жауынгерлік әлеуетін арттыруда. Жауынгерлік даярлықтың сапасы мен қарқындылығы едәуір артады, әскерлердің техникалық жарақтандырылуы үнемі жетілдіріліп отырады, әскери қызметшілерге әлеуметтік кепілдіктер қамтамасыз етіледі.
Қарулы Күштердің алдына қойылған барлық негізгі міндеттер сәтті орындалуда.
Бұл ретте өзінің күнделікті жауынгерлік еңбегімен мемлекеттің қорғаныс қабілетін нығайтуға зор үлес қосып келе жатқан барлық жеке құрамға үлкен еңбегі тиесілі.
Сіздерді, сіздердің отбасыларыңызды, туыстарыңызды және жақындарыңызды Қазақстан Республикасының Конституциясы күнімен құттықтаймын!
Баршаңызға зор денсаулық, бақыт, амандық, рух сергектігі және Қазақстан Республикасының Тәуелсіздігі мен Отанымыздың гүлденуі жолындағы алдағы міндеттерді жүзеге асыруда табыс тілеймін!
Қазақстан Республикасының Қорғаныс министрі
генерал-полковник Руслан Жақсылықов
