2022-12-15 22:27:11
Құдайым, қыз болған неткен ғажап!
Шаршаған күндерімде аяғымның ұшымен ас үйге кіріп, қалаған нәрсемді пісіре алатыным үшін, немесе жылдам қолға дайын ас жей салатыным үшін;
Ыстық ваннаға тұз, ішіне раушан иісі шығатын ақ көбік салып, бүгінгі жаман күнімді жәй ғана “жуа салатыным үшін”;
Құлағымды бітеп, күні бойы жаман сөздер естіртпей жүрген жібек атлас орамалымды үйге келіп шешіп, шынайы “мен”-ді ести алатыным үшін;
Жәй ғана шешпей, саусақ ұшымен нәзік қана сипалап, әр талына құрмет таныта алатыным үшін;
Кокос, малина сығындыларынан жасалған лосьон, бальзам иісімен рақаттана алатыным үшін;
Кірпіктеріме сүрме жағып, қастарымды түзеп, тарап, өзімнің шынайы табиғатыма шүкіршілік ете алатыным үшін;
Бетіме албырт қызыл өң беру үшін румяна жағып, тіпті еріккенде кешкі макияж жасап, өзімді Боттичеллидің картинасындағы Венера сезіне алатыным үшін;
Әртүрлі бола алатыным үшін: жылаңқы, қуанышты, мұңлы, шүкіршіл, нәзік, дөрекі, ашулы, мейірімді, күлкілі..
Бүкіл эмоцияны, хәлді сезіне алатыным үшін рақмет, Раббым!
2.0K viewsaselqyzdan, 19:27