Қанағат Әбілқайыр - Ұмыт мені
Жазушының “Ұмыт мені” атты кітабы екі бөлімнен тұрады. Бірінші бөлімнің аты “Қағаз қала”. Бұған қоғамның келеңсіз тұстарын, адам бойындағы кем-кетікті суреттейтін сатиралық әңгімелер енгізілді. Жазушы шығармаларында әр саладағы көзге ұрып тұрған олқылықтар, қоғамның бітеу жараға айналып бара жатқан тұстары, адам бойындағы жағымсыз мінездер суреттелген.
Екінші бөлім “Сурет” деп аталады. Бұған Қанағаттың студенттік жылдары жазған лирикалық әңгімелері топтастырылған. Әңгімелерінде адамгершілік, махаббат, адам бойындағы өзге де игі сезімдер шебер бейнеленген. Кітап қалың оқырманға арналған.
