2021-07-02 18:48:37
соңы.
енді студент емес, жас мамансың. студенттік ерке шағың, өміріңнің бір кезеңі аяқталды. группаластарыңмен бірінші қыркүйекте кездесу енді болмайды. естелікке толы аудиторияларға, асханаға, кітапханаға, колледж жанындағы дүкенге енді жиі бармайсың. сүйікті кураторыңның ұрысы мен жылы сөзін енді естімейсің. группаңның чатындағы миллион хатты ерінбей оқып отырмайсың, тіпті уақыт өте ешкім жазбай, хабарсыз кетеді.
қимастықтан ба, әлде сол бір кештен шаршағаннан ба көзіме жастар келе берді.
сөйтсеем, әрбір "соңы. бәрі аяқталды" деген сөйлем "алда жаңа нәрсе күтіп тұр" дегенді білдіреді екен.
<<бір нәрсенің соңы, екінші нәрсенің бастамасы>>
сондықтан да...
сәлем, мен үшін жаңа нәрселер! маған және мен арқылы адамдарға қайырлы боласын деген үміттемін.
сәлем, үлкен өмір(үлкен жауапкершілік)! сенің жақсы досың болуға тырысамын.
сәлем, жаңа таныстықтар! өз ережелерімді өзгертуге тырысып бағамын. ұзақ жылдар бойы қалыптасқан дүниенің өзгеруі қиын, бірақ мүмкін дейді ғой. сол ойға сенім білдірдім. маған жақсы әңгімелер мен адамдар сыйлашы)
сәлем, қаржы тәуелсіздігі! еңбектің наны қандай тәтті екенін түсінемін. екеуміздің бұрынғы тәжірибеміздегі қателіктерді жасамауға тырысамын, ал сен адалынан бол.
сәлем, жаңа мүмкіндіктер! сені өткізіп алмауға барымды саламын деп уәдемді бердім.
сәлем, жаңа сәттер! саған ессіз ғашық екенімді білсең ғой. сол сезімнен алыстатпауыңды ғана сұраймын. күлдір, жылат, ғашық қыл, ашуландыр. тек сезімдерді түрлі-түсте сезінуден қалмайын)
сәлем, білім! бұл жолы теория емес, практика жүзінде кездесеміз деп ойлаймын. қорқыныштың арғы жағындағы қуаныш сенде сияқты көрінеді. солай ғой, иә?
сәлем, армандарым! саған жақындап қалдым.
~ барлығынды құшағымды жая қарсы алуға дайынмын.
2шілде. 0:28
188 views15:48