ДӘУЛЕТ ТЕМІРЖАН - "КҮМІС" ЖҮЛДЕГЕР
⠀
Токио Паралимпиадасында дзюдодан 73 келіде бақ сынаған 30 жастағы Дәулет Теміржан финалдық белдесуде өзбек Феруз Саидтан жеңіліп, күміс жүлдеге ие болды.
⠀
Ол жарыс барысында әзірбайжандық Газимов Рамил, ширек финалда Рио Олимпиадасының қола жүлдегері, неміс Хоркас Николайды, жартылай финалда грузиялық Калдани Джорджиді ұтты.⠀
⠀
Айта кетейік, 2016 жылы бұл салмақта өзге спортшымыз бақ сынап, алғашқы айналымнан аса алмаған еді. ⠀
⠀
Осылайша, жерлестеріміз Паралимпиада ойындарында 1 алтын, 2 күміспен ең үздік көрсеткіштерін (Рио Паралимпиадасында 1 алтын, 1 күміс) жаңартты.
