#ustazkundeligi

2022-02-16 20:26:32 Бүгін Алматы шарлап жусан іздедік. Таптық ақыры. Ұстаздың ең бақытты сәті - оқушылардың жүзіндегі қуаныш. Ашу / Түсініктеме

2022-02-16 20:25:05 Қас қарайып қалған. Далада жапалақтап қар жауып тұр. Жылы кабинетте оқушыларға “Жусан иісін” оқып беріп жатырмын. Тыныштық. Шығырмаға еліткендері сонша, кітаптан көздерін алар емес. Көзімнің қиығымен жүздеріне қарап қоямын: Аянның шана тепкеніндегі қуанышты сәтінде жүздері жайнап қуанып, қаралы қағаз келген кездегі оқиғаға келгенде жүздерін мұң басыып кетті. Оқушыларды айнала оқып жүріп екі-үш оқушының кітап бетінде көзден аққан тамшының іздерін байқадым. Шығарманы аяқтап бола сала, арт жақта отырған бұзықтау оқушы “Қараңдар, ана жерде Аян шана теуіп жүр” деп айқай салды терезе жақты нұсқап. Бәрі ытырылып тұрып терезе жаққа жүгірді. Мен де кім екен дегендей, оқушылардың қасына барсам, ешкім де жоқ екен.
- Әзілдедім ғооой, сеніп қалдыңдар ма!?- деді күлііп. Шығарманың әсерінен шыға алмаған кейбір оқушылар күткені орындалмағандай, “сеніп қалсам,неге алдайсың” деп іштей қынжылып, орындарына жайғасты.
- Ағай, Аян тірі… ол кітап жазған шығар, біз оқып жүрген ертегі кітаптарды сол жазған шығар,-деді бір оқушы.
- иәә, ағай ол тірііі… бірақ ол жазушы емес, дәрігееер болдыы. Тобығы тайса, өзі емдеп алу үшін дәрігер болды.
- неге келмеді онда ауылға?
- автор бала жоқ кезде келіп толтыырыыып жусан алып кеткен шығар…-, деді бір оқушыы қимай.
- ағай, мен де жусанның иісі қандай болатынын көргім келеді.
-мен де,ағай
- Мен деее…
- мен деее..
…
Қоңырау соғылдыы. Оқушылар енді ғана өздерінің сабақта екендігін ұққандай кітап,дәптерлерін жинап, кабинеттен шыға бастады.
Терезеге қарасам оқушылар сабақтан қайтып бара жатыр. Түн қоюлана бастапты.
Тыныштық. Далада жапалақтап қар жауып тұр…

15.02.2022 Ашу / Түсініктеме

2022-02-16 06:31:17 Флорида университетінің профессоры, фотограф Жерри Уэлсманн алғашқы оқу күні студенттерді екі топқа бөледі.

Аудиторияның сол жағына «сан» тобына кірген студенттер жайғасты. Профессор оларды атқарылған жұмыс санына қарай бағалайтынын ескертті. Оқудың соңғы күні ұстаз осы топтағы студенттер түсірген суреттерді санайды. Жүз суретке «өте жақсы», тоқсан суретке «жақсы», сексен суретке «қанағаттанарлық» баға қояды.

Аудиторияның оң жағында «сапа» тобына кірген студенттер отырды. Профессор оларды сурет сапасына қарай бағалады.

Бұл топтағы студенттерге семестр бойы бір ғана сурет түсіруді тапсырды. Бірақ ол сурет «өте жақсы» бағаға татитындай мінсіз болуы керек.

Семестр соңында оқытушы ең үздік суреттерді «сан» тобының студенттері түсіргенін байқайды. Бұл топтағы студенттер бүкіл уақытын сурет түсіруге арнайды. Композициямен, жарықпен түрлі тәжірибе жасайды, фотозертханада алуан әдістерді қолданады. Олар сол арқылы қателіктен сабақ алуды үйренеді. Жүздеген сурет түсіру барысында шеберліктерін шыңдайды. Ал «сапа» тобының студенттері мінсіз суретті қалай түсіруге болатынын ойлаумен уақыт өткізеді. Семестр соңында оларда тексерілмеген теория мен бір ғана ортаңқол суреттен басқа ештеңе жоқ болып шықты. Бұл топтағы студенттердің қанша күш жұмсағаны сол күйі белгісіз болып қалды.

“Атом әдеттер”, Жеймс Клир Ашу / Түсініктеме

2022-02-14 15:47:22 “Көксерек” шығармасындағы кейіпкерлер бейнесін талдау
7-сынып

- Құрмаштың әжесі қандай адам?
- Мейірімді
- Оны қайдан білдің?
- Ағай, әлемдегі барлық әже мейірімді.

Ашу / Түсініктеме

2022-02-14 13:34:54 Адамды адам еткен - кітап, адамзат еткен - кітапхана.

Ә. Кекілбайұлы Ашу / Түсініктеме

2022-02-14 11:15:22 5-сынып

2-тапсырма. Сын есімнің шырай түрін қатыстырып, өздерің білетін екі автокөлікті салыстырыңдар.

5 минуттан соң BMW мен Мерседестің жанкүйелері арасындағы “үшінші дүниежүзілік соғысты” әрең бастым))


Ашу / Түсініктеме

2022-02-09 07:22:18 Бүгін ақиық ақын Мұқағали Мақатаевтың туған күні.

"Көрінбейсің газет пен журналдардан..."
Деген мен сөз естимін туғандардан.
Жарқындарым!..
Жанымды қайдан білсін,
Жақсы жырдың жолында құрбан болған.

Қайдан білсін, жыр жазу қиындығын,
Соқыр жармақ екенін сыйым бүгін.
Қайдан білсін, келе алмай күйім бүгін,
Сансыратып кеткенін құйын-күнім.

Білсін деп дерт екенін тіл өнері,
Тіл өнері жоғалтып жіберерін!
Түсінсін бе, дым тамбай, көк аспанның,
Құрғақшылық жылдары түнерерін.

Қайдан білсін...
Туыстар қайдан білсін...
Оңай емес орнату ойдан мүсін!
Болдырам деп болмасты қиялыммен,
Қайдан білсін, біткенін қайран күшім.

...Оу, менің ойран-құсым, сайран құсым,
Оңаша өз бағыңда сайрап жүрсің.
Бұл ғалам сенің титтей жүрегіңде,
Не болып жатқандығын қайдан білсін... Ашу / Түсініктеме

2022-02-08 16:07:03 Мен тағы өзіме-өзім “Неліктен кейбір әдістер нәтижелі де, ал кейбірі іске жарамайды?” деген сұрақты қоюмен болдым. Неліктен оқушыларыма нәтиже көрсеткен стратегия бүгін сәтті болады да, бір аптадан кейін ол өнімсіздікке ұшырайды? Ақыр соңында түйгеніім - бірде-бір білім беру стратегиясында таңғажайып жоқ екен. Айырмашылық менің істеген-істемегенімде емес, қалай ойлауымда екен.


Робин Р. Джексон “Шәкіртіңнен саспа немесе ұстаз болам десеңіз” Ашу / Түсініктеме