2022-07-16 11:41:35
Сәлем, болашақ грант иегерлері
Бастамас бұрын, өзімді таныстырып кетсем
Мен 2022 түлегімін, биологиядан 45/40 балл жинадым.
Осы каналды биология таңдаған 2021 түлектеріне арнап ашқан болатынмын 2 жыл бұрын, кейін 2022 түлектеріне де көмекші канал болды
Егер де сен дайындық енді бастаған болсаң, немесе бастай алмай жүрген болсаң, Менің бірер кеңесіме құлақ сал:
Ең бастысы-мақсат қою. Өзіңе жақын мамандықты дұрыс таңдап, соның жолында тынбай еңбек етуің керек. Мақсат-Әрекет-Жетістік
Тұрақтылық. Мәселен, арамызда 10шы сыныптан дайындық бастаған оқушылар бар, бірақ бастысы дайындықты ерте бастауда емес , оны тұрақты түрде соңына дейін жеткізу. Бір күн тек химия оқып, келесі күн тек биология оқып, арғы күні тек мс есеп шығару-дұрыс емес
Фокус бір жерде болуы керек. Мәселен, сабақ түсіндіріп жатқан уақытта, бар зейінің сабақта болғаны жөн, ой кейін үйрене саламын деген бос сөз, үлгермей қаласың. Дегенмен, тек сабақ дей бермей арасында үзіліс жасап тұрған жөн. Достарыңмен көңіл көтер, караокемен ән айт, іштегі негативтің бәрін шығарып тастау керек
Ешкімнің сөзіне мән бермей дайындал. Кей адамдар бар, ой бұл мамандық саған жараспайды, не болмаса, химиядан есеп шығара алмайсың ғой мүлде, пәніңді ауыстыра сал дегендей нәрсе айтуы мүмкін. Ешкімді тыңдама! Өз басымнан көп өтті бұл жағдай, бірақ менің қолымнан келді. Дәл сол секілді сенің де қолыңнан келеді!
Курс қатысатын болсаң, жақсы курс таңда. Мұғалімге де байланысты сенің сабақ түсінуің. Онлайн курстарды дұрыстап таңдаңдар, алданып қалмаңдар маркетингке.
Ал, іске сәт, ең бастысы-мотивацияларыңды түсірмеңдер. Мен сендерге сенемін Сендердің қолдарыңнан келеді
261 viewsирина кайратовна, 08:41