«Қазақстан халқына» қоғамдық қорының білім беру гранттары» | ҰБТ 2024 / UBT Academy 2024
«Қазақстан халқына» қоғамдық қорының білім беру гранттары» қайырымдылық бағдарламасы бойынша ақпарат!
Құрметті достар, «Қазақстан халқына» қоғамдық қоры 2022-2023 оқу жылына гранттар мен шәкіртақылар тағайындауға конкурс жариялады. Алдымен бұл бағдарлама бойынша кімдер конкурсқа қатыса алатынын айта кетейік:
Ағымдағы жылы ҰБТ тапсырған (қаңтар, наурыз, негізгі және тамыз ҰБТ сертификаттарының бірін ұсынуға болады) және жоо-ға түсу үшін шекті балдарды жинаған түлектер: ауылдық жерлердегі жағдайы төмен отбасылардан шыққан тұлғалар; жетім бала санатына жататын және кәмелеттік жасқа дейін ата-анасының қамқорынсыз қалған тұлғалар; мүмкіндіктері шектеулі, соның ішінде мүгедектігі бар тұлғалар.
Жоо-ның ақылы бөлімінде білім алатын студенттер мүмкіндіктері шектеулі, соның ішінде мүгедектігі бар студенттер; жетім бала санатына жататын және кәмелеттік жасқа дейін ата-анасының қамқорынсыз қалған студенттер; ауылдық жерлердегі жағдайы төмен отбасылардан шыққан студенттер; толық емес отбасыдан 1 және 2 топтағы мүгедек балаларды тәрбилеп жүрген отбасыдан шыққан студенттер; ата-аналары/ата-анасының бірі 1 және 2 топ мүгедегі болып табылатын студенттер.
Өтініш беру мерзімі 23 тамызға дейін өтеді. Грант иегерлерінің тізімі 25 тамызда жарияланады. Мүмкіндікті өткізіп алмаңыздар! МАҢЫЗДЫ: Грант иегері оқуын аяқтағаннан кейін оны өтеуге міндетті емес. Толық ақпарат www.qazaqstanhalqyna.kz сайтында.