Токтакунов Азамат

2022-06-16 20:25:11 Сезон бүттү. Арсен - Чемпион! Ашу / Түсініктеме

2022-04-29 14:44:34 Мына ошентип биздин жерде дагы Covid-19 пандемиясы аяктап, кайрадан нормалдуу жашоого кайтып келе баштадык. Жумушка чыгып, көчөдөн жана бөлмөлөрдөн беткап тагынганды токтотуп, аны менен бирге чек-аралар дагы ачылды. Көпкө күтпөй, эс алуу жана саякат деген темаларды дагы көтөрүп, талкуулап баштадык. Онлайн жашоодогу иш-чараларды эми оффлайн жашоого өткөрө баштадык. Мурда башка шаарга бараарда, эч кимди тааныбай, чоочун кишилерден эле Airbnb батир алып, туристтер барган жерлерди көрүп кетип калчубуз. Эми болсо, «Чөйрө» түзүлгөн соң, бара турган жердеги кишилерди эстей баштадык.

Тилектеш адамдарды алыс жактан көрөсүң. Бул жолу дагы ITJoop долбоорунда иштешип жүргөн Элзада Шадыбекова менен байланышып, Гент шаарына сапар алдык.

Балдар каникулда, анын үстүнө уулум мектепте Франция тарыхын өтүп, Наполеон жөнүндө көп айтып берип жаткан убактысы. Ошондуктан, жолдон биринчи 1815-жылдагы Ватерлоо согушу болуп өткөн жерге бардык. Бир карасаң жөн эле талаа, анан ортосунда кичинекей тоочо кылып, үстүнө арстандын эстелигин коюп койгон. Жанында болсо бир-эки имарат турат. Бирок тарыхты эске алып, согуштун айынан канчадаган адамдын жашоосу морт кеткенин көрсөтүп, ичинде заманбап музей жасап коюшкан.

Ошентип, суктанган бойдон жолго чыктык, жолдон Ватерлоо шаарчасын көрүп алып. Айтмакчы, Гент шаарына мурда эле барганбыз, бирок онлайн тааныш адамдардын үйүнө биринчи жолу барып жатабыз. Ойлогондой эле сонун адамдар экен. Үй-бүлөлөрүбүз таанышып, көп жылдан бери көрө элек классташ, тууган адамдардай болуп, түнгө чейин сүйлөшүп отурдук. Таттуу тамак, баштан өткөргөн окуялар жана алыга койгон ой-максттар менен ачык бөлүшүп аттык. Уктап, эс алып, эртеси кайра сапарга чыктык.

Күн жылуу болгонуна байланыштуу деңиз жээгине жол тарттык. Биз барган шаардын аты Де-Панне, Бельгиянын түштүк-батыш тарабында, Франция менен чектеш аймак. Пляждары кенен, таза жана анын жанында көп үйлөр бар жер. Сейилдеп, ойноп, жергиликтүү элдин тамагын жеп, жанындагы Plopsaland деген оюн-зоок паркына барып, чер жаздык. Кайрадан биз Гент шаарындагы жаңы досторубуздун үйүнө жөнөп, жашообуздагы сериалдын экинчи эпизоду жөнүндө түнгө чейин сүйлөшүп отурдук. Балдарыбыз дагы бири-бири менен жакшы сүйлөшүп, сөз табышып алышты.

Кайрадан эс алып, кийинки шаарыбызга жөнөйлү деп жатсак, Нарынбек Бельгиядагы кыргыздар менен чогуу футбол ойногон команда чакырып атат, барып келели деп сунуштап, ушунча келдик, эми таанышканыбыз деле жакшы деп ал жака жөнөдүк. Көрсө, бул жолкусунда, алар дагы жөн гана футбол ойнобостон, казан алып келип, үй-бүлөлөрү менен жашыл жайытта, Бален деген шаарда эс алуу мааракеси экен. Бапылдап, күлүп жайнап, кыргыздар менен таанышып, балдар бир күн кечке футбол ойноп, сонун күн өткөрдүк. Ошентип Бельгияда биздин сапар аяктады. Ыраазычылыгыбызды билдирип, батабызды берип, жаңы байланышыбыз жемиштүү болсун деген үмүт менен жолго чыктык.

Апрель айы эмеспи, Бельгиянын жанында Голландия деген сонун мамлекет бар. Ал жакта, баарыңар билгендей сонун гүлдөр өсөт. Анан азыр ал гүлдөп турган кези. Ошол жерге дагы бара келели деп, түндүктү көздөй айдадык. Бара турган жерибизге жетип, тамактанып алып, велосипедтерди ижарага алып, гүл жайнаган талааларды кыдырып, сүрөткө түшүп анан үйүбүзгө жөнөдүк. Мына ошентип, жазгы каникул дагы аяктап, кечке эле компьютерди тиктеп отура бербей, талаалап, сейилдеп, жаңы күч менен кайрадан жумушка кириштим.

https://toktakunov.com/kg/kelechek-gent/ Ашу / Түсініктеме

2022-04-12 21:31:16 Биздин келечек (санариптик) билимде!
⠀
Мен жердештерибизди аралыктан санариптик кесипке үйрөтүп жаткан «Жылдыз Академиясына» кошулуп, «Келечек» аттуу кыргыз тилдүү акысыз окутуу долбооруна менторлук кылганыма даана бир жыл болду.
⠀
Бул убакыттын ичинде дүйнөнүн ар кайсыл өлкөлөрүндө эмгектенип жүргөн Айдана Өмүрбаева, Мирлан Уржанов, Азиза Сүйүналиева, Элнура Мусатегин, Сайкал Дилдемурат, Жазгүл Болотбекова, Дамира Ахмедова, Бакыт Абдишов, Тимур Моун, Бекназар Жамангараев, Замир Акимбеков, Ренат Самудинов, Олжобай Искендер жана Турат Алыбаев сыяктуу кыргыздын чыгаан улан-кыздары менен бирге иштештим.
⠀
Алар менен чогуу жүздөгөн жана миңдеген адамдарга «IT (анг. Information Technology) – маалымат технологиясы» деген чоң дүйнөнүн эшигин ачып, анын ичиндеги алгачкы тепкичтерине көтөрүлүүгө көмөк көрсөттүк.
⠀
Бизди бул учурда эмоционалдык өйдө-ылдыйлар, кайгы-кубанычтар, ый-күлкүлөр, тамаша-чындыктар, коштошуу-жолугушуулар жана ынтымак-достуктар коштоду. Аралыкта болсо дагы биздин айтишниктер кызматташуунун жогорку формасы менен тааныштык, бири-бирибиздин потенциалды таанып, баалай билдик.
⠀
«Күз демилге IT марафону», «Кыргызча психология», «Жер Эне» сыяктуу ар түрдүү социалдык, маданий жана экологиялык долбоорлор аркылуу таланттарды таптык, жаңылыктарды ачтык, айтини классикалык музыка менен айкалыштырган концерт өткөрдүк… Анан дагы эң негизгиси адамдардын көз караштарын өзгөртүп, келечекке үмүт берген бир агым жараттык.
⠀
Автор: Азамат ТОКТАКУНОВ

⠀
Макаланы толугу менен биздин сайтта окуй аласыз:
⠀
https://karaan.org/kg/bizdin-kelechek-bilimde/ Ашу / Түсініктеме

2022-04-06 16:28:16 Германия кыргыз эмгек мигранттары үчүн альтернатива боло алабы?
⠀
Бир айдан берки Орус-Украин согушунун улам пайда болгон кырдаалда саясий аренада жана коомчулукта көп адамды түйшөлткөн суроо жаралды: Орусияда эмгектенген бир миллионго жакын кыргыз мигранттары эми эмне кылышат же башка кайсыл жерге барып акча табышат?
⠀
Азыр кыргыз өкмөтү дагы, эки анжы болгон эмгек мигранттары дагы жаңы багыттарды караштырып жаткан учуру. Ааламдашуу заманында кыргыстандыктар үчүн бүткүл дүйнө ачык болгон менен, реалдуу эмгек миграциясынын багыты биринчи орунда Орусияга, Түркийеге, коңшу Казакстанга жана Чыгыш Азия менен Араб өлкөлөрүнө түшөт.
⠀
Көп адамдардын максаты Европа мамлекеттери менен Америка Кошмо Штаттары болгон менен, ал жактарга эмгек миграция менен түз кетүү мүмкүнчүлүгү аз же жеке жумушка орноштуруу агенттиктери аркылуу ишке ашышы мүмкүн. Өнүккөн өлкөлөрдүн ичинен мамлекеттик деңгээлдеги меморандум буга чейин Түштүк Кореяга бар болсо, жакында ага Улуу Британиянын айыл чарбасындагы мезгилдүү жумуштар боюнча келишими кошулду.
⠀
Автор: Махабат САДЫРБЕК
⠀
Макаланы толугу менен биздин сайтта окуй аласыздар:
⠀
https://karaan.org/kg/germanija-emgek-migratija/ Ашу / Түсініктеме

2022-04-03 21:30:18 Дортмунд шаарда жашаган,
Кыргыздын уулу Азамат!
Идеяга өтө бай,
Укмуштарды жаратат!

Иш баштаса Азамат,
Дискорддо кипишь башталат.
Долбооруна катышса,
Чоң программист тапталат.

Бириктирип адамдарды,
Уюштурат чоң ишти.
Долбоорлорду ойлоп таап,
Баштап салат кипишьти.

(с) Жыпара Алапаева Ашу / Түсініктеме

2022-04-01 23:59:44 Азыркы коомдогу аялдардын миграциясы тууралуу

Бүгүнкү күндө дүйнө жүзүндө 250 миллион адам миграцияда болсо, алардын жарымы аялдар болуп саналат. Бул учурда адаттагы эле көрүнүш болуп калды. Бизге маалым болгондой, алар жакшы жашоого үмүт кылып, үй-бүлөөсүн жана балдарын багуу үчүн башка мамлекеттерге иш издеп кетүүгө мажбур болушууда. Бул көрсөткүч жыл сайын көбөйө бермекчи, анткени жашоонун жылдан жылга начарлап баратканы аялзатын аргасыздан мындан ары дагы миграцияга түртө берчүдөй. Эмгектенүүгө барган өлкөдө алардын укуктары корголбой жаткандыгы буга дагы кошумча көйгөй. Миграцияда жүргөн аялдардын көпчүлүгү кулчулукка, жашы жете элек кыздардын сексуалдык мажбурлоого, моралдык, психологиялык жана ар кандай зордук-зомбулуктарга туш болгондугу алардын башка жерге маалыматсыз (информированность) жана даярдыксыз (мисалы тил билбей) бет алгандыгынан кабар берет. Эгерде алар миграцияга чейин өз өлкөсүнөн эмгек миграция тууралуу жетиштүү маалыматтарды алса жана барган мамлекетте мыйзам негизинде расмий түрдө жумушка орношсо, анда алардын жагымсыз жагдайларга кириптер болуусу азыраак болсо керек деген ойдомун.

Чет жерге чыккан аялдардын 95 % үй кызматында эмгектенишет жана балдарды, оорулууларды же кары-картаңдарды багуу милдетин аткарышат. Аны менен бирге алар ошол үй-булөө мүчөлөрүнүн маанайынан жана мамилесинен көз каранды болушат. Алардан көргөн ыдыктарды жана зордук-зомбулуктарды көмүскөдө сакташат, көбү өздөрүнүн укуктарын коргоо үчүн тиешелүү органдарга кайрыла алышпайт, анткени алардын ишке орношуусу расмий түрдө катталган эмес жана көбүнүн тиешелүү документтери да жок. Буга медициналык текшерилүү жана медициналык камсыздоо дагы кирет. Ошондуктан миграциядагы аялдар ден-соолуктарына байланыштуу көп жапа чегишүүдө. Аялдар медициналык гана жактан эмес моралдык жактан дагы көп жабыркагандары маалым, анткени өз жеринде балдарын таштап, ата-энесинен жана бир туугандарынан алыстоосу аларды түйшөлтөт, сар-санаа кылып, ар кандай ойлорго салат. Көп аялдар жалгыздыктан да жапа чегишет, моралдык жактан эч кандай колдоо көрүшпөйт. Булардын айынан көп аялдар депрессияга кабылышат.

Отчётту толугу менен ушул PDF документтен окусанар болот:
https://kazakhstan.iom.int/.../documents/_FullReport.pdf

Бул пост Швейцария Өнүктүрүү Агенттиги тарабынан каржыланган жана МЭАУ (Миграция боюнча Эл Аралык Уюму) жана БУУӨП (Бириккен Улуттар Уюмунун Өнүктүрүү Программасы) менен биргеликте ишке ашырылган Туруктуу өнүгүү үчүн миграциянын потенциалын пайдалануу боюнча Глобалдык программасы. Ашу / Түсініктеме

2022-04-01 18:13:46 Түрк Элдери Диаспораларынын II Форуму
⠀
Түрк дүйнөсүнүн маданий борбору (ТДМБ) Бурса шаарында 2022-жылдын 27-31- мартында «Түрк Элдери Диаспораларынын II Форуму» болуп өттү. Аталган форум «Түрк Мамлекеттери Уюмунун» (TМУ) алкагында, Түркийе мамлекетинин «Чет элдеги түрктөр жана бир тууган элдер Башкармалыгы (YTB)» тарабынан уюштурулган. Ага Түрк Мамлекеттеринин Уюмуна мүчө мамлекеттер: Түркийе, Азербайжан, Казакстан, Кыргызстан жана Өзбекстандан тышкы иштер министирликтер, миграция боюнча кызматкерлер, диаспора жетекчилери, диаспорадагы бейөкмөт уюмдардын өкүлдөрү жана диаспора тармагында иштеген окумуштуулар чакырылган. Арасында Венгриядан дагы байкоочулар болду. Баш аягы 12 өлкөдөн 70тен ашык расмий коноктор жана «Түркийе Бурсларынын» студенттери форумга катышты.
⠀
Автор: Махабат САДЫРБЕК
Саясат таануучу, юридикалык антропология илимдеринин доктору, Халле шаарында Макс-Планк илимий институтунда изилдөөчү, BIZ уюмунун ардактуу төрайымы
⠀
Макаланы толугу менен биздин сайтта окуй аласыздар:
⠀
https://karaan.org/kg/turk-diasporalarynyn-ii-forumu/ Ашу / Түсініктеме

2022-03-29 09:47:46 Коопсуз миграциянын эн башкы максаты болуп бул -адамдарды сатууга, кулчулукка каршы иш чараларды жүргузүү, жабырлануучуларга көмөк көрсөтүү деп эсептейм. Баардык өлкөлөрдү “Коопсуз миграцияга” кам көрушүүсү, чогу жоопкерчиликтүү иштешүүсүнө чакыруу.

Жыл сайын миллиондогон адамадар дүйнө жүзүндө жашоо шарттарынын начарлыгынан үйлөрүн таштап иш издөө үчүн миграцияга кабылышат. Мигранттар өздөрүнүн укугун же болбосо барган өлкөнүн закондорун түшүнбөгөндүктөн ар кандай кулчулук же болсо сексуалдык кордоого туш болушат, көбүнчө бул учурга жашы жете элек жаш кыздар же балдар, же болбосо толук билими жок адамдар туш болушат.

Коопсуз миграция болушу үчүн дүйнө мамлеткеттери биргеликте “Коопсуз миграцияны” түзүшү азыркы жашоонун талабы, алар ар бир мигрантка туура маалымат берүүнү, түшүндүрүү иштерин жүргүзүүнү күчөтүш керек, адамдарды сатууга болуп жаткан көрүнүштөр менен күрөшүүнү, кичинекей жашы жете элек өспүрүмдөр менен иш-чараларды өткөрүүнү жана аларга ушундай көрүнүш болуп калган учурда кандай жардам көрсөтүлөөрү, кайда кайрылуусу шарт экениндиги жөнүдө маалыматтарды терең таратылышы зарыл деп ойлойм.

Пайдалуу шилтемелер:

https://www.youtube.com/channel/UCpHCzjo0_muUbjCLbzvVRCw
https://www.facebook.com/rce.kg
https://www.facebook.com/groups/2490295397652242
https://www.facebook.com/rabstvu.net/

Бул подкаст Швейцария Өнүктүрүү Агенттиги тарабынан каржыланган жана МЭАУ (Миграция боюнча Эл Аралык Уюму) жана БУУӨП (Бириккен Улуттар Уюмунун Өнүктүрүү Программасы) менен биргеликте ишке ашырылган Туруктуу өнүгүү үчүн миграциянын потенциалын пайдалануу боюнча Глобалдык программасы. Ашу / Түсініктеме

2022-03-28 23:32:18 Чырак долбооруна барып, жакшы фидбектерди алган соң, ишенимге +100 кошулуп, жаңы күч менен жасап аткан долбоорлорду жайылтуу маселесине кириштик.

Эми болсо, Чырак долбоорунун ичинде SMM Department кошулуп, бирге мээ калчадык (брейншторм). Чындап жакшы идеялар сунушталды, анын бири 10 командага бөлүнүп, 10 долбоордун Instagram-аккаунттарын үстүндө иштейли деп чечтик. Челлендж бүгүн башталды. Deadline - 1 жума. Demo day күнү командалар, кантип ошол аккаунттарга жаңы подписчиктерди алып келүү жолдорун изидлеп, жасап көрүп, анан презентация кылышат.

Башталганда эле, чыныгы айтишниктердей, структураларды түзүп, кандай кадамдардын үстүндө иштеерибизди аныктап алдык.

Чырак долбоорундагы окуу процессине тоскоол кылбай, катышуучуларды Чөйрө долбооруна кошуп, анын ичинде кичинекей долбоорлордун жабык телеграм-группаларына бөлүштүрдүк.

Баардык маалыматты бир баракчага топтом, жыйнап койдук. Эми көрөбүз, ким эмнени үйрөндү болдук экен. Канчалык алыс бара алышат? Алдыга койгон тапшырмаларды аткара алышабы? Бири-бири менен таанышып, чогуу иштеше алабы? Кызыктын баары алдыда. Сиздер дагы байкап туруңуздар.

https://choyro.com/smm Ашу / Түсініктеме

2022-03-28 14:29:07 Кече Чырак долбооруна барып 3 саат сүйлөп келдим



Ашу / Түсініктеме