Қазақстандық әнші Рухия Байдүкенова «Славян базары» байқауының гран-при жүлдесін алды.
Жалпы, Витебскте өткен байқауға 30-дан астам елдің әншілері қатысты. Бірінші орынды сербиялық әнші, екінші орынды украиналық орындаушылар алды. Ал үшінші орын Словакия мен Әзірбайжан әншілеріне бұйырды.
Айта кетейік, «Славян базары» байқауы 1992 жылдан бері өткізіліп келеді. 2015 жылы Димаш Құдайберген, ал 2019 жылы Әділхан Макин Қазақстан атынан қатысып, бас жүлдені иеленген еді.
