2021-10-08 19:06:39
Ажал мен сені құрмет тұтам,
Арсыздардан қаймықпайтының үшін.
Адамдар қадіріне жетпеген жақсыларды да,
Құшағыңа сыйдыратының үшін!
Бірақ, сенен қорқып қанша адам жоққа иланды?!
Ажал сен қашан айтасың, сенде сенім жоғын,
Тек қауышулармен жабығулардың арасындағы,
Өмірге ұқсас қара түнек екеніңді,
Қапыда қалған үміттерді сөндірмеу үшін ғана,
Өзіңнің қадіріңнен безгеніңді.
Ажал!
Табыттар менің саған сыйым,
Соғыс - сені еске алып жасаған тойымыз!
Іштей өлген қаншама тән, сенің жердегі бейнең.
О, Құдіретті ажал. Маған табын!
От саған ұқсайды сөңгесін,
Үміт маған ұқсайды өшкесін.
Табанымдағы қаным миыма жеткенше, сен жайлы,
Тек сен жайлы ойлап үлгерем.
Сәтсіз өлімдер сенің жердегі мөрің!
Менімен сырласып көр, сен үшін өзендер ақпайды,
Сен үшін желдерде соқпайды,
Сен үшін тіршілік етпейді көбелек,
Сен үшін Күн нұрын шашпайды,
Сен үшін музыка үнінде шығармас,
Бірақ, мен үшін осының барлығы,
«Өмір» - деп, атайтын жиынтық!
Ит келмес өмірге бақытын іздеумен,
Мысықтың мәнсіздеу ғұмыры болмайды,
Қыран құс біз үшін еркіндік символы,
Ол байғұс жемтігін табумен әлек боп,
Самғайды, немесе тек іші пысқасын.
Санасыз тіршілік ететін осы барлық тіршілік,
Ажалды танитын секілді?!
Сол үшін сөйлемей өтетін секілді?!
Ажалдың дыбысы шықпайды дейдіғой,
Өліп көргендер,
Ажалдың музасы тыныштық,
Жанымның айғайын естісең,
Өлмеуге тырысқан мендегі ессіз бір армандар,
Ажалмен әуей боп,
Түсігін ас қылған ганибал секілді.
Ажал - Құдаймен сыбайлас екенің ырас па?!
Ырас па, құлдилап баратып оянған сәтім де,
Сенімен кездесу ықтимал екені?
Қандайғы тұңғиық сен болдың,
Құлатып, оятқан?
Антиматерия.....
92 views16:06