Puqaralar hám mámleketlik mákemeler dıqqatına! Húrmetli puq | Тақыятас районы

Puqaralar hám mámleketlik mákemeler dıqqatına!

Húrmetli puqaralar! Búgingi kúnde respublikamız aymaǵında xızmet kórsetip atırǵan Mámleketlik xızmetler oraylarına, oray xızmeti túrlerine kiritilmegen xızmetler yaǵnıy, puqaralar tárepinen «Kem támiyinlengen shańaraq yaki shańaraq aǵzası» ekenligi haqqındaǵı maǵlıwmatnama soraw menen baylanıslı múrájátler artıp ketkenligi, bunıń sebebi úyrenilgeninde ulıwma bilim beriw mekteplerinde oqıp bilim alıp atırǵan perzentlerine biypul jańa mektep kiyimi ushın oqıw orınları tárepinen talap etilip atırılǵanlıǵı anıqlandı.

Ózbekstan Respublikası Prezidentiniń 21.07.2021-jılǵı «Mámleketlik xızmet kórsetiw infrosistemasın jetilistiriw hám xalıqtıń mámleketlik xızmetlerinen paydalanıw imkániyatların keńeytiriw is-lájları haqqında»ǵı PF-6269 Pármanına tiykar 2022-jıl 1-yanvardan baslap «Kem támiyinlengen shańaraq yaki shańaraq aǵzası» ekenligi haqqındaǵı maǵlıwmatlar mámleketlik organları, xojalıq birlespeleri, mámleketlik shólkemleri tárepinen talap etiliwi biykar etilgen.

Usı párman menen bul mazmundaǵı maǵlıwmatlar Finans ministrligi janındaǵı Byudjetten tısqarı pensiya qorı tárepinen beriliwi belgilep qoyılǵan.

Sonday-aq, Ózbekstan Respublikası Ministrler Kabinetiniń 21.10.2021-jılǵı 654-sanlı qararı menen tastıyıqlanǵan Qaǵıydanıń 9-bántine tiykar «Sociallıq qorǵaw birden bir reestri» xabar sisteması arqalı kem támiyinlengen dep tabılǵan shańaraqlar (shaxslar) qosımsha hújjetler usınbastan bul túrdegi maǵlıwmatlardı alıwı belgilengen.

Esletpe: puqaralar hám isbilermenlik subektlerinen nızam talabına qayshı ráwishte artıqsha hújjetler talap etiw yaki byurokratiyalıq tosıqlar payda etiw Ózbekstan Respublikası HJhKniń 215-5-statyasına tiykar juwapkershilikti keltirip shıǵarıwı múmkin.

Kanalǵa jalǵanıw
@KRAdillikMinistrligi