Жаңалықтар - Stan.kz

2022-11-02 15:33:01 Қаңтар оқиғасынан кейін қамауға алынған Жанболат Мамай бостандыққа шығады.

Белсендінің әйелі Инга Иманбайдың сөзінше, Мамайды үйқамаққа ауыстырған және бүгін тергеу изоляторынан босатылуы керек.

"Жанболатты шығарып алуға бара жатырмыз. Бүгіннен бастап үйқамаққа шығарады, бұйырса. Алдымызда сот болады. Барлық қолдаушыларға рақмет", - деп жазды Иманбай.

Қаңтар оқиғасы құрбандарын еске алу митингіне қатысқаны үшін бейбіт жиын өткізу тәртібін бұзды деген айыппен 15 тәулік қамауда болған белсенді әкімшілік жаза мерзімі аяқталар шақта тағы 48 сағатқа қамауға алынған. 12 наурызда қамаудан босатылуы керек еді, алайда босатылмады.

t.me/stankznews Ашу / Түсініктеме

2022-11-02 15:25:22 Астанада 23 жастағы жігіт жезөкшелерге барып, ақша бопсалаған. Жалған қызметтік құжат көрсеткен ол қылмыстық іс қозғалатынын айтып, ақша талап еткен.

Алайда жалған полицей кезекті құрбандарынан 20 мың алған соң қолға түсті.

t.me/stankznews Ашу / Түсініктеме

2022-11-02 14:06:35 Қасым-Жомарт Тоқаев қаңтар оқиғасына байланысты ұсталғандарға «Рақымшылық жариялау туралы» заңға қол қойды.

Айта кетейік, рақымшылық жарияланған соң 1 500-ге жуық адам бостандыққа шығады. Дегенмен жаппай тәртіпсіздікті ұйымдастыру бойынша күдікке ілінгендерге рақымшылық жарияланбайды. Олардың қатарында «Дикий» Арман мен Қайрат Құдайберген де бар.

t.me/stankznews Ашу / Түсініктеме

2022-11-02 13:19:21 Ашу / Түсініктеме

2022-11-02 13:03:41 Қазақстанда мектеп формасына қойылатын талапқа өзгеріс енгізіледі. Енді оқушыларға поло мен кардиган киюге рұқсат берілмек.

Оқу-ағарту министрлігі ұсынған жаңа өзгерістерге сәйкес ұлдарға мектепке пиджак, жилет, шалбар, мерекелік жейде, күнделікті жейде, түймелері бар немесе сыдырмалы тоқылған күрте/кардиган, поло жейде немесе тенниска киюге болады. Ал қыста трикотаж жилет, водолазкаға рұқсат етіледі. Алайда киімнің түсі, стилі және басқа да тұстары мектеп әкімшілігімен келісілуі керек.

Ал қызардың мектеп формасы: пиджак, жилет, юбка, шалбар, классикалық жейде, түймелері бар немесе сыдырмалы тоқылған күрте/кардиган, поло жейде немесе тенниска; қысқы уақытта: трикотаж жилет, сарафан, водолазка.

Мектеп формасының фасоны мен ұзындығын мектеп пен кеңес анықтайды және жалпымектептік ата-аналар жиналысының хаттамасымен бекітіледі.

t.me/stankznews Ашу / Түсініктеме

2022-11-02 12:15:51 «Қазақмыс» Ұлытау облысын дамытуға 35 миллиард теңге бөледі.

Ұлытау облысының әкімі Берік Әбдіғалиұлы және "Kazakhmys Holding" ЖШС Директорлар кеңесінің төрағасы Эдуард Огай Ұлытау облысының әкімдігі мен "Қазақмыс" Тобы арасындағы өзара түсіністік пен ынтымақтастық туралы меморандумға қол қойды.

Меморандумға сәйкес "Kazakhmys Holding" ЖШС қызметі Жезқазған, Сәтбаев қалалары және Ұлытау ауданында жалпы сомасы 35 млрд. теңгеге 22 жобаны іске асыру жолымен әлеуметтік тұрақтылықты күшейтуге бағытталады. Меморандум аясында Жезқазған қаласында дене шынықтыру-сауықтыру кешені, музыкалық драма театры мен балабақша сынды әлеуметтік-мәдени тұрмыстық нысандар салынады.

Әрі "Қазақмыс" мемлекеттік техникалық университеттің ашылуына және Ұлытау ауданында Мемлекеттік рәміздер алаңының құрылысына қатысады. Компания есебінен ерекше қажеттіліктері бар балаларға арналған екі ғимарат сатып алынады. Шаруашылық суының көтергіш сорғы станциясына жөндеу жүргізіп, 320 орындық балабақшаның құрылысын аяқтайды.

t.me/stankznews Ашу / Түсініктеме

2022-11-02 11:30:44 "Ресейден қорқып тағы 30 жыл жоғалтып алмау керек": Қазақстанды зерттеп жүрген түрік сарапшысы ел қайткенде дамитынын айтты.

Тілшімізге сұхбат берген Сердар Йылмаз қазақ тілін Түркияда жүріп үйреніп, Алматыға келген соң жетілдіргенін айтады. Сонымен қатар Алматы, Астана, Шымкент пен Түркістанда да тұрып көрген.

Йылмаз Қазақстандағы ұйымдарға тигізетін Ресей ықпалына тосқауыл қою керек деген пікір ұстанады. Сөзінше, барлық түркі мемлекеттері Ресейге деген қорқынышынан арылып, ынтымақтастықты жақсартуы қажет.

«Ресейде "Қазақстан мемлекет емес" деп жүрген саясаткерлер бар. Орыстар тым көп болғандықтан, Қазақстанды да Қырым сияқты Ресей басып алуы керек деп ойлайтындар бар. Ресей аймақтағы сенімді ел емес. Тарихи байланыстарымен Ресейге жақын болған Қазақстан енді сыртқы саясатын әртараптандырып, Ресеймен теңесетіндей күш құруы керек. Барлық түркі мемлекеттері Ресей қорқынышынан арылып, көбірек ынтымақтасуы қажет. Ресейден қорқып 30 жыл жоғалттық, түркі мемлекеті ретінде тағы 30 жыл жоғалтып алмау керек", - дейді сарапшы.

Сонымен қатар сарапшы Қазақстанға келген ресейліктерге азаматтық бермеу керегін айтады. Оның пікірінше, ресейліктер көбейсе, қазақша сөйлейтіндер азаяды. Ресейдің ықпал ету аясы кеңейіп, орыс мәдениеті көбірек таралады.

Толығырақ Stan.kz сайтынан оқи аласыз.

t.me/stankznews Ашу / Түсініктеме

2022-11-02 11:13:11 Ішкі істер министрлігі ойынханаларда 507 миллион теңге ұтылған 305 мемлекеттік қызметкерге қатысты тергеу бастады.

Алматы облысының прокуратурасы жариялаған тізімде құқық қорғау органдарында жұмыс істейтін 97 қызметкер бар.

"Бұл мемлекеттік қызметшілердің, соның ішінде құқық қорғау органдары қызметкерлерінің әдеп кодексі ғой. Әрбіріне әділ баға беріледі. Бұл тұлғалар бойынша тергеу жүріп жатыр. Кейбірі ІІМ құрылымында шынымен де жұмыс істемейді", - деді Ішкі істер министрі Марат Ахметжанов адам саудасына қарсы іс-қимыл туралы форумның кулуарында.

Сонымен қатар шенеуніктердің құмар ойынға ақшаны қайдан алғаны да тергеу барысында анықталады.

Бұған дейін ұлттық экономика министрі Әлібек Қуантыров шенеуніктердің ойынханада ұтылған 507 миллион теңгені қайдан алғанына қатысты пікір білдірген болатын. Министр шенділердің құмар ойындарға жеке жинақтарын жұмсауы мүмкін екенін мәлімдеді.

t.me/stankznews Ашу / Түсініктеме

2022-11-02 11:07:30 Ашу / Түсініктеме

2022-11-02 09:24:46 Алматыда автобустардың бірінде ер адам қыздарға харассмент (жыныстық бопсалау) көрсетті деп айыпталды.

Видео авторының айтуынша, ол жігітті 20-маршрутта екі рет кездестірген. Осы кезде ер адам жан-жағына қарап қойып, әйел жолаушылардың қасына барып жыныс мүшесін үйкелеген. Жасырын түсірілім кезінде оның мұны жалаңаш жыныс мүшесімен жасағаны белгілі болды.

Полиция департаменті қазір ер адамның іздестіріліп жатқанын мәлімдеді.

Фото: Qumash Telegram-арнасынан.

t.me/stankznews Ашу / Түсініктеме