2022-08-25 16:56:09
Ғұлама Мұхаммед Ғиса Ғабит әл-Мысри 1948 жылы “Құран және Хадис” саласы бойынша докторлық қорғап, кейін “Дәләләту әт-тәнзих уә ибтал ақидату әт-тәжсим уәт-тәшбих” атты ғылыми жоба жазған.
Жобада Ибн Тәймия туралы былай делінеді:
Әл-Харрани, Әбдул-Аббас Ахмад ибн Әбдул-Халим, “Ибн Тәймия” (728 хижра жылы дүние салған) есімімен танылған. Өз өмірін Хашауия мазхабына арнаған. Кітаптардағы ақыл, нақыл ғылымын өзінше түсініп, ешқандай ұстазға сүйенбеген. Шыныда ұстаз оған дұрыс ақыл, тура нақылды көрсетіп, тәшбихтен (Алланы жаратылысқа ұқсату) қорғар еді. Сол себепті қаншама дін негіздерін білмейтін адамдар шайтанның торына түсті. Шынында Алланың бағыты, қозғалатыны, орыны және басқа да сипаттары туралы ешқандай дұрыс дәлелдер, мәтіндер, тіпті логикалық пікірлер де жоқ. Алла ештеңеге ұқсамайды. Ол мүлік иесі, аса ұлы! Алла жаратылыстарға ұқсаудан пәк!
Ибн Тәймия туралы тағы былай дейді:
Иә, ол Алланы жаратылысқа ұқсататындардың имамы. Аллаға ағза беретіндердің шейхы және барша мутәшәбих аяттарды, хадистерді тіке түсінетіндердің үлгі тұтар көшбасшысы.
Оны шайтаны өз ғасырындағы және одан бұрынғы дін ғалымдармен бәсекелесіп оларға тіл тигізуге итермелеген, тіпті оның тілінен сахабалар да (Алла баршасына разы болсын) аман қалмаған.
Докторлық диссертация қорғап ғұлама “Әл-Азхар” университетінде “Дін негіздері” саласында сабақ берген.
1955 жылы Азхарлық бір топ ғұламаны Мекке-Мединаға сабақ беруге шақыртқан. Бір күні “мәжәз” (астарсөзділік) туралы дәріс отырысында Ибн Базз атты студент (кейін Сауд Арабиясының муфтиі болады) “Құранда мәжәз жоқ, аяттарды тікелей түсіну керек”- деп дәлелдей бастайды. Сонда ғұлама Мұхаммед сұрайды: “мына аятты қалай түсіндіресің?” -деп, аят оқиды:
“Ал енді кімде-кім бұл дүниеде көрсоқыр болса, ол ақиретте де көрсоқыр һәм мықтап адасқан болады” (Исра сүресі: 72)
Ибн Базз үндемей қалады (себебі Ибн Базз зағип адам)
Ғұлама Мұхаммед 1964 жылы дүниеден өткен (Алла рақымына алсын)
Дүниеден өтер алдында ғұлама былай деген екен: “Менің өліміме Иблис (шайтан) пен Харрас қуанатын болды”
Халил Харрас - сол уақыттағы Мысырдағы уахабисттердің көшбасшысы. Қазіргі күні кітаптары Меккедегі әл-Харамда кең таралған.
338 views13:56
S
