Sakenkyzy

2022-10-05 19:31:34 Отыр едім айналысып іліммен,
Ұйқы қысты, кеш жатқанмын түнде мен.
Көз шырымын алайын деп жатқан ем,
Еске түсті мақсатым мен жетпеген.
⠀
Қайта тұрдым орнымнан мен теңселіп,
Салқын сумен бетті жудым серпіліп,
Жаба салсам шайтанға мен жаланы,
Ол да азғырып, басынбай ма есіріп.
⠀
Күрес керек нәпсімен айтақтаған,
Болсақ екен мақсаттан еш қайтпаған,
Майда істер жеткізеді арманға
Аз болса да, ұдайы боп жасалған!

#кешкі_шабыт Ашу / Түсініктеме

2022-10-03 11:03:27 Адамның үнемі шаршап, ештеңеге зауқы болмауының бірден-бір себебі: өз өмірін сүруден қашып, пайдасыз істермен айналысуы. Адамның өз өмірі дегеніміз- Алла бізге міндет еткен істер және әйел болса әйелдік міндеттер, ер болса ер адамға тән міндеттер. Егер пенде пайдасыз білім мен өзіне қатысы жоқ іспен айналысса, оның өзінің өмірлік міндеттері - құлшылыққа, үй шаруаға, жұмыс жасауға күш-қуаты жетпейді.

Оның мысалы мынадай: істемейтін сағатқа өзіне сай емес батарейка салсақ ол жұмыс жасамайды. Ал өзіне сай батарейка салсақ жұмысын атқарады. Тағы бір мысал: Көлікке пісте май құйсаң ол жүрмейді, қашан өзінің майын құясың, сол кезде ғана ол жүреді. Сол секілді адамда өзіне сай міндет істі істесе ол алға жүреді, егер істерінде береке кетіп тоқтаса онда ол өзінің өмірін сүрмей жүргені.

Адамның алар күш-қуаты - өзінің шынайы өмірі. Өзгенің өмірін сүруші адам өзін ыңғайсыз сезінеді. Құлшылық, үйдегі міндетіміз және сүйікті ісімізді үйлестіре білсек, онда өмірден өз орнымызды тапқан боламыз. Ашу / Түсініктеме

2022-09-30 20:16:46 Екінші алғысы келуі адамның тақуалығын көрсетпейді. Керісінше алғысы келмейтін адамда күмән бар Намаз оқымайтын ер кісілер көп жағдайда алғысы келмеу себебі сырттай жүріс жасай береді. Ал намазхан адамның алғысы келуі сыртқы жүрістен өзін тыйып, адал жолмен екіншілікті қалауы.

Екінші әйелді 90% ер адам алғысы келеді. Ондай қалауы олардың табиғаты. Ал біздегі қызғаныш- әйелдің табиғаты)) Бір-Біріміздің табиғатты түсінсек болғаны. Бірақ бұл сөзімнің бәрі күйеуімді екіншіні алуын құптап тұрғаным емес бұл әрине менің табиғатым- қызғаныш. Күйеуім менің табиғатымды түсінеді Ашу / Түсініктеме

2022-09-30 18:44:25 Жолдасыңа әзілің өтсе, ойың ұнаса мәз болып қаласың ғой. Өйткені адам өзіне абырой көретін кісінің өзіне деген ойын, күлгенін маңызды санайды. Мен көп ішкі ойларымды тек жолдасыма айтамын. Өйткені ол кісі мені жақсы таниды, сөздерімді кемшілік іздеумен емес, шын жақыны ретінде тыңдайды. Басқа адамға ойларыңды айтайын десең басқаша ойлап қала ма, дұрыс түсінбесе ше деп айта бермейсің. Күйеуің қателігіңді ашық айтса да ренжи бермейсің, өйткені ол сені қаралау үшін емес, дұрыс ниетпен айтқанын түсінесің. Бойдақ кезде “жақсы көру” дегенді тек тіке мағынада түсінеді екенсің. Ал отбасы құрған соң жақсы көрудің көп мағынаны қамтитынын түсінесің. Жақсы көру - ыстық сезім, алыстаса сағыныш, ауырса жанашырлығың, ол күлсе қуануың, мұңайса жұбатуың, аяласа еркелеуің, қиыншылық болса сабыр етуің, кемшілік кетсе кешіруің, сені кешірсе бағалауың, бұйырса бағынуың, қабағына қарауың... (Екінші әйел алам десе қызғануың ) Ашу / Түсініктеме

2022-09-30 15:40:18 Кісіні күнәсі үшін ғайбат етіп, Алла алдында сол ісің үшін кінәлі сезінсең, оның дауасы- тәубе. Бірақ сол адамның күнәсін қолдау ол тәубе емес. Ашу / Түсініктеме

2022-09-22 23:52:41 Мақсатқа жету үшін ішкі жігердің, дұрыс ниеттің, шынайы ықыластың маңызы өте үлкен. Онсыз іс бос шар секілді. Әдемі болып ұшып, бірақ түбі жарылады...

Іс сол нәрсемен өз мәресіне жетеді. Мәреге жеткенде қуаныш сыйлайды, алайда адамның жаны тағы да бір істі бағындырғысы келіп тұрады. Міне осы істі бітіргенде бақытқа жетемін деп ісін аяқтағанда, уақытша қуанышын алып, бірақ бақыттың да ол емес екеніне көз жетеді. Мәре ол бақыт емес. Бақыт- бастау мен мәренің ортасындағы жүріс(процесс)... Ашу / Түсініктеме

2022-09-21 12:56:27 Жаңа бір түрік келіншекпен сөйлестім. Олар көбінде бірдей сұрақ қояды. Түркия әдемі ме, Қазақстан ба?-дейді. Мен екеуі де әдемі дедім. Тағы да: енді қайсысы әдемірек деп қоймады. Түркия деп айтуымды күткені ғой. Содан мен: иә түркия әдемі теңізі бар, бірақ жүрегіме Қазақстан жақын дедім. Ол:-іііі деп қоя салды.

Алдын сұраса: иә Түркия әдемі,- деп жауап беретін едім. Олар мәз болтын. Бұл жолы жауабымды осылай өзгерттім)) Болмаса Қазақстанымды ренжіткендей сезімде болатынмын... Ашу / Түсініктеме

2022-09-19 01:09:21 Ваши стремления к чистоте вашей души не должны вас приводить к осуждению чьих-то промахов, ошибок и грехов. И уж точно не должно приводить к таким обстоятельствам, где другие не могут у вас спросить как избавиться от своих грехов...

Не заблудитесь ища чистоту… Ашу / Түсініктеме

2022-09-18 20:08:50 Кофе- сенің қандай кітап оқығаныңды, оңашадағы ойларыңды, балалардан демалған деміңді біледі. Ашу / Түсініктеме

2022-09-16 22:27:00 “Біреуді пәленше көп біледі деп мақтайды. Көп білген адам көп тындырса, мақтауға болар еді. Көп біліп, түк тындырмайтындар да бар. Мұндай іске пайдасыз білгіштікті білдім деудің қажеті жоқ. Ондай “білгіштен” аз біліп, көп тындыратын қоңырқай адамның өзі артық”.

“Махаббат,қызық мол жылдар” кітабынан. Ашу / Түсініктеме