2023-03-19 20:41:24
АДАМДАР БОЛАДЫ...
Өкпеге қисаң да, өлімге қимайтын,
Сағынып барғанда құшаққа сыймайтын.
Кешіріп тұрсаң да, кездескің келмейтін,
Адамдар болады... Үн -түнсіз іздейтін.
Хабарсыз кетсең де, алаңдап күтетін,
Алыстан көргенге шүкір деп жүретін.
Шын сүйіп тұрса да, ақырын ойлайтын,
Адамдар болады...Тағдырың қоспайтын.
Мың сынақ көрсе де, иіліп сынбайтын, Байлыққа мастанып,ұясын бұзбайтын.
Жақсылық жасаса, жар салып айтпайтын,
Адамдар болады...Ұятын сатпайтын.
Қайғырып тұрса да, қуаныш сыйлайтын,
Өсектеп жатқанда сабырмен шыдайтын.
Елеусіз жүрсе де, ерлікке баратын,
Адамдар болады... Жүректе қалатын !
Фатима ЗАБУРАҚЫЗЫ
383 views17:41