Жабылуы керек есікке аяғыңды қою - жақсырақ есіктің ашылуына к | письмо незнакомке

Жабылуы керек есікке аяғыңды қою - жақсырақ есіктің ашылуына кедергі болу.
 
Жабылуы керек есікке аяғыңды қойма, жабылсын.
 
Алланың бүгін сенің бір есігіңді жауып қоюының себебі бар. Сен бір есікте тұрып қалған кезіңде, осы сөздерді есіңе ал.
 
Алла сені жақсы көрмегендіктен не жалғыз болғаныңды қалағандықтан, кейбір есіктерді жапты деп ойлайсың ба? Онда қателескенің, олай ойлама. «Жалғызбын деме, Раббыңды ренжітесің».
 
Иә, Алланың кейбір есіктерді жауып тастайтынын қабылдауымыз керек. Алла сені жақсы көрмегендіктен немесе сені ойламағандықтан емес, не жақсырақ есікті ашу үшін не сені қандай да бір дауылдан қорғау үшін болдырмайды.
 
Ол сенің уайымың болмасын. Бәрі қабаттасып кеткендей, шығар жолды таба алмай жүргеніңді сезгенде, Шұғара сүресінің 78-ші аятын оқы: «Мені жаратқан әрі қай мәселеде болмасын, маған үнемі тура жол көрсететін де – бір Өзі». Аспандағы құстардың да жолын белгілейтін Алла, сендерді жерде адастырмайды...

АйҚызым