Xosh xabar! QMUniń professorı «Doʻstlik» ordeni menen sıylıqlandı
Ózbekstan Respublikası Prezidentiniń «Ózbekstan Respublikası ǵárezsizliginiń 31 jıllıǵı múnásibeti menen bilimlendiriw, den-sawlıqtı saqlaw, sport, ádebiyat, mádeniyat, kórkem-óner tarawları hám ǵalaba xabar quralları xızmetkerlerin sıylıqlaw haqqında»ǵı Pármanına muwapıq, sonday-aq, Watanımız ǵárezsizligin bekkemlewde, jámiyette tınıshlıq hám tatıwlıq, sociallıq-ruwxıy turaqlılıqtı támiyinlew, jas áwladtı joqarı ideyalar ruwxında salamat hám kámil insan etip tárbiyalawǵa qosqan úlesi ushın Berdaq atındaǵı Qaraqalpaq mámleketlik universitetiniń Sociallıq pánler kafedrası baslıǵı, professor Berdimuratova Alima Karlibaevna «Doʻstlik» ordeni menen sıylıqlandı.
Bizde óz náwbetinde Berdaq atındaǵı Qaraqalpaq mámleketlik universiteti jámááti Alima Berdimuratovanı jetiskenligi menen qutlıqlap, aldaǵı jumıslarında tabıslar tileymiz.
@www_karsu_uz
