2023-04-29 10:58:22
Аллаһтан көп сұраңыздар. Үмітті тастап көңілдеріңізді тарылта бермеңіздер. Кең ұстаңыздар көңілді. Мейлінше кең.
Аллаһ берер алдында адамға қалаушылық салады. Сол қалаушылықпен Менен құлым сұрасын деп. Бірақ пенде ол қалаушылықты менің қалаушылығым деп ұрлап, кейін Құдайға бер деп әдепсіздік танытады. Неге менің қалағанымды бермейсің дейді. Олай етуге болмайды.
Оның орнына былай деңіздер: йа Раббым... Аллахым мен Саған мұқтажбын. Сенің Ұлылығыңды тануда әлсізбін. Саған қарсы әдепсіздік танытқаным үшін Өзіңнен кешірім сұраймын. Мен Саған мұқтажбын, Сен ешкімге мұқтаж емессің. Сүбхансың Аллаһым. Бірақ ашық айтсам Сенен басқа ешкімге де керек емеспін. Мені Сендей ешкім ойламайды, қадірлемейді. Оның дәлелі ретінде маған Сені танытатын Құран мен ең сүйікті Құлыңды (ﷺ) Пайғамбар әрі елші етіп жібердің. Ондай ілтипатыңа жауап беруде мен әлсізбін. Шүкір етуде әлсізбін. Тек Пайғамбарың (ﷺ) үйреткеніндей Әлхамдулиллаһ деу ғана қолымнан келетіні. Аллаһым сен Ұлысың ғой, ал мен бейшарамын. Аллаһу Әкбәр. Сол Ұлығыңды таныту мақсатында мені тәрбиелеші. Мейіріміңді таныту мақсатында көңіліме Өзің салған қалаушылықтарға Өз Кеңдігіңмен жауап берші. Бұны етуде сүйікті Пайғамбарыңа (ﷺ) деген сыйластығыңмен маһаббатыңның құрметіне, Оның (ﷺ) үмметіне деген шапағатына Өз Мейіріміңмен жауап беруіңді тілеймін...
Әлхамдулиллаһи Раббул Ғалямин...
210 views07:58