Qyzylorda NEWS

2023-03-03 22:28:36 Қызылорда облысының құрылыс, сәулет және қала құрылысы басқармасы басшысының орынбасары болып Өтегенов Қуаныш Зинадинұлы тағайындалды.

Ол 1987 жылы Қызылорда қаласында дүниеге келген. Жаңа қызметіне дейін Қызылорда облысының құрылыс, сәулет және қала құрылысы басқармасының құрылыс бөлімінің басшысы болған.

@qyzylordanews Ашу / Түсініктеме

2023-03-03 17:03:00 Ашу / Түсініктеме

2023-03-03 16:11:51 Қызылорда облысы әкімдігінің алдындағы қоршау алынып тасталады.

Әкімдіктің алдындағы Сұлтан Бейбарыс көшесі “Ақмешіт” мешітіне дейін алты жолақты етіп кеңейтіледі. Ары қарай Шиелі бағытына кететін аспалы көпірге дейін төрт жолақты болып салынады.

Бұл туралы Қызылорда облысының әкімі Нұрлыбек Нәлібаев мәлімдеді.

“Акиматтың алдындағы қоршауды алып тастаймыз. Қымтанып отырмаймыз халықтан тығылып. Қоршауларды алып тастап, ол жерлерге сквер, автотұрақтар саламыз”, — облыс әкімі.

@qyzylordanews Ашу / Түсініктеме

2023-03-03 15:54:39 Қызылорда қаласының іргесіндегі Талсуат ауылын су баса ма?

«Таңнан бері дарияның деңгейін бақылап жүрміз. Су көп, ауыл ішіндегі үлкен арықтар суға толды. Маңайындағы тұрғын үй иелері алаңдаулы. Барынша сақтанып отырмыз», - дейді Талсуат ауылының тұрғыны.

Толығырақ мына сілтемеде.

@qyzylordanews Ашу / Түсініктеме

2023-03-03 15:38:58 Ашу / Түсініктеме

2023-03-03 14:15:26 Сырдария өзенінде сең жүріп жатыр

Бүгін Қызылорда облысы аумағына кірген су көлемі — сағатына 680 м3. Былтыр бұл уақытта небәрі 160 м3 су келген болатын. Айырмашылығы 520 м3 болып тұр.

Осының Қызылорда су торабынан төменге жіберілген су көлемі 500 м3 с. Былтыр ол 110-ды көрсеткен. Айырмашылық 390-ға тең.

Жыл басынан бастап Қаратерең су бекеті арқылы Кіші теңізге жіберілген су көлемі 871 млн м3. Былтыр Кіші Аралға бұл уақытта 127 млн м3 ғана жіберілгенін ескерсек, бұл оң көрсеткіш. Айырмашылық едәуір, 744 млн м3-қа тең.

Судың молдығы қуанарлық жағдай. Десек те, қатерлі жағы да бар. Оған қарсы дайындық қалай болып жатыр екен?

@qyzylordanews Ашу / Түсініктеме

2023-03-03 10:27:07 Фейк: Қызылордада 10 адам улы иіс судан ауруханаға түсті

Қызылорда облыстық көпбейінді ауруханасына белгісіз иіс суды иіскеп есінен танған жандар түсіп жатыр деген ақпарат тарады. Әлеуметтік желілерде тарап жатқан ақпараттың жалған екенін Қызылорда облыстық денсаулық сақтау басқармасы басшысының орынбасары Жангелді Шайымбетов мәлімдеді.

@qyzylordanews Ашу / Түсініктеме

2023-03-03 09:41:45 Қызылорда облысы бюджетінің көлемі едеуір артты

Облыстық қоғамдық кеңес отырысында аймақ басшысы Н.Нәлібаев бюджет қаржысы артқанын, оның ауқымды бөлігі әлеуметтік салаға бағытталатынын жеткізді.

“2023 жылға облыс бюджетін 520,7 млрд теңге көлемінде бекітсек, нақтылау нәтижесімен оның көлемі 542,3 млрд теңгеге жетті. Бұл 2022 жылғы бюджет көлемімен салыстырғанда 180 млрд теңгеге артық. Әлеуметтік бағыт сақталып, оған бюджеттің 70 пайызы немесе 374,7 млрд теңгесі жұмсалады» деді Н.Нәлібаев.

@qyzylordanews Ашу / Түсініктеме

2023-03-03 08:46:48 Арал теңізінің деңгейі 48 см-ге дейін көтерілді

Арал-Сырдария бассейндік инспекциясы басшысының міндетін атқарушы Зейнулла Қазтоғанов хабарлағандай, осы уақытқа дейін Солтүстік Арал теңізіне жиналған су көлемі 27,0 млрд текше метрден, 18,5 млрд текше метрге азайып, су деңгейі 40,42 мБЖ (метр Балтық жүйесімен) дейін төмендеген болатын.

2022 жылдың қазан айынан бастап бүгінгі таңға теңіздегі су деңгейі 40,90 мБЖ, немесе 48 см дейін көтеріліп, жиналған су көлемі 19,7 млрд текше метрге ұлғайды.

Былтыр жыл көлемінде Аралға 816 млн м3 су түссе, биыл 2 айдың өзінде 803 млн м3 түсті.

@qyzylordanews Ашу / Түсініктеме

2023-03-03 07:02:52 Бүгін банкроттыққа өтінім қабылдау басталды

Өтініш берудің әр қадамы Мемлекеттік кірістер комитетінің бейнеүндеуінде нақты көрсетілген.

@qyzylordanews Ашу / Түсініктеме