Medet Qudaibergen

2022-08-24 23:45:23 Бұрын кім едім(?)
қазір қандаймын…
Майға піскен нандаймын. Әруақтың алып батасын,
Жұмақта жүрген жандаймын.
Тіліме салып таухидті,
Түсінігі кемді жалмаймын. Алладан тілеп таупиқті,
Берген аянын қармаймын.
Құны болған құлдарды,
Малай қылып жалдаймын.
Құнсыз болған ерлерге, Құранның нұрын сарнаймын.
Қадірімді білген, мұқтарам, Жырымды саған арнаймын. Ашу / Түсініктеме

2022-08-24 22:59:36 Басыңды көтер; ендеп кір,
“Мен”- деген жерге Мен деп кір,
Менменсігендерді шайқатып,
Менін езіп емдеп кір.

#ұлттықұстаным Ашу / Түсініктеме

2022-08-20 15:03:59 Парсы мифологиясында мынадай бір аңыз бар:
Бір замандарда “Бутимар” деген бір құс болыпты. Таудың ішінде, жап- жасыл желекке оранған жерде өмір сүріпті. Сол жерде тау суынан жиылған мөп- мөлдір, мұздай көл болған деседі. Әлгі құсымыз Бутимар осы көлге ғашық екен. Күніге көлдің қасына келіп:
- мына көл бір күні тартылып қалса мен не істеймін(?), қайдан шөлімді қандырамын(?)-, деп сары уайымға салынып, көлден бір тамшы су ұрттамастан өліп кеткен деседі.
***
Бүгін біздің қоғамымыз да осы “Бутимар” сендромына ұрынған сияқты. Елін, ұлтын, тілі мен дінін сүйетін жандар бас біріктіріп, елдің қамы үшін атқа қонбай…бұл сендромнан жазыла алмаймыз. Ашу / Түсініктеме

2022-08-12 02:11:03 Жұма- салауат күні. Салауат- мейірімнің иірімі. Алланың мейірім- рахметіне бөлейтін салауаттан артық амал жоқ. Ашу / Түсініктеме

2022-08-12 02:09:09 “ Бір кісінің намазда руку және сәждені асығыс жасағанын көрсеңіз бала- шағасына жаныңыз ашысын”.
Хадис- Шәріп (Руху-л Баян)

Бір мұсылман кісінің намазбен ара- қатынасы ризық- несібесіне тікелей әсер етеді. Намаздағы салмақтық- ризықтың кеңеюіне; ал, асығыстық- таршылыққа себеп.

Алла Тағала оқыған әр- бір намазды салмақпен, сабырмен, ыждаһат әрі ықыласпен оқуды нәсіп еткей.
Жұма қабыл болсын… Ашу / Түсініктеме

2022-08-10 17:31:02 Күн болса да, Нұр болса да,
Алаулап от боп жанса да,
Ол Алланың алдында,
Шаңға тұрғысыз бейшара.

( Жекен Шайқы Әулие)

#ұлттықұстаным Ашу / Түсініктеме

2022-08-09 18:25:30 Мейірімнің иірімі- салауат… Ашу / Түсініктеме

2022-08-09 18:03:21 Ардақты Пайғамбарымыз саллаллаһу аләйһи уә сәлләм сүйікті немерелері Хасан мен Хусейінді құшағына алып сүйгенде төмендегі дұғаны оқиды екен. Әрі, Ибраһим пайғамбар да балалары Ысқақ пен Ысмаилды сүйіп бауырына басқанда осы дұғаны оқығандығы жайлы да айтылады.
Бұл дұғаны оқу балаларды назардан сақтайды, әрі кем көздерден қорғайды.

( Имам Бухари, Әнбия, 10)


“ Әузу бикәлимәтилләһи- тәәммәти мин кулли шайтани уә һәәммәти уә мин кулли айни ләәммәти”.

Мағынасы:
“ Шайтанның барлық түрінен, улы жәндіктерден, кем назарлардан; Алланың толық кәлималарына, шексіз құдіреті мен үкіміне сиынамын”. Ашу / Түсініктеме

2022-08-08 11:56:27 “ әй, Али! Иәсин сүресін үзбей оқы. Ауру- сырқау болмайсың, үрейден құтыласың, қолыңа кісен түспейді( істі болмайсың), жападан жалғыз қалмайсың, барлық жерде абыройлы боласың. Еш нәрсең жоғалмайды. Жан тапсырар жанның қасында оқысаң өлімі жеңіл болмақ. Кешке оқысаң таңға дейін, таңда оқысаң кешке дейін барлық бәледен аман болмақсың”.

Хадис- Шәріп Ашу / Түсініктеме

2022-08-05 17:11:12 Батырдың достығы - жанын сұрағанға дейін, қатынның достығы - малын сұрағанға дейін. Ашу / Түсініктеме