Ақтөбеде жемістер мен көкөністерден нитраттардың шамадан тыс м | Саяси Шолу
Ақтөбеде жемістер мен көкөністерден нитраттардың шамадан тыс мөлшері анықталды
Облыстық санитариялық-эпидемиологиялық бақылау департаменті жеміс-көкөніс өнімдерінің сынамаларын зерттеген. Қауында нитрат концентрациясы 2,3 есеге артқаны анықталды.
Нитраттар, азот қышқылының тұздары адам ағзасында нитриттерге айналады, бұл уланудың ауыр түрлеріне әкеледі.
Көкөніс-жемістерден уланудың алдын алу үшін:
өнімдерді азық-түлік базары, супермаркет және арнайы дүкендерден сатып алған жөн;
нитраттың тұтынылатын мөлшерін азайту үшін көкөністер мен жемістерді қабығынан, сабақтарынан мұқият аршыңыз;
өнім қабығының бүлінбеуіне назар аударыңыз, оның жарылмаған, соғылмаған болуы өте маңызды;
кесілген өнімдерді тоңазытқышта бір күннен артық сақтамаған жөн.