2022-06-16 09:54:29
Бүгін Премьер-Министрдің орынбасары-Қаржы министрі Ерұлан Жамаубаев Қазақстан Республикасы Парламенті Сенатының пленарлық отырысында 2021 жылға арналған республикалық бюджеттің атқарылуы туралы баяндама жасады.
Өз сөзінде ол өткен жылы жалпы ішкі өнім өсімі экономиканың барлық базалық салаларында оң нәтижемен 4%-ті құрағанын атап өтті.
Өнеркәсіп өндірісінің көлемі 3,8%-ке, құрылыс саласы – 7,6%-ке, көлік – 3,6%-ке, сауда – 9,2%-ке артты.
2021 жылдың қорытындысы бойынша инфляция деңгейі 8,4%-ті құрады, негізгі капиталға салынған инвестиция көлемі 3,5%-ке ұлғайды, бюджет түсімі 12,7 трлн. теңгені құрап, 100,8%-ке орындалды
Трансферттерді есепке алмағанда кірістер бойынша жоспар 156 млрд. теңгеге артығымен орындалып, 7,4 трлн.теңгені құрады, – деп атап өтті Жамаубаев.
Ерұлан Жамаубаев сондай-ақ әлеуметтік-экономикалық блок шығыстарының параметрлері туралы айтып берді. Атап айтқанда, 2021 жылы бюджет шығыстары 56 стратегиялық бағыт бойынша бағытталып, даму жоспарларының 263 индикаторына қол жеткізілді.
Ұлттық жобалар мен мемлекеттік бағдарламаларды іске асыру елдің әлеуметтік-экономикалық дамуына оң әсер етті.
Білім беру, денсаулық сақтау және мәдениет саласында көрсетілетін қызметтердің сапасын арттыру мақсатында педагогтердің, дәрігерлердің, мәдениет және халықты әлеуметтік қорғау қызметкерлерінің еңбекақысы көтерілді. Бұл мақсатқа шамамен 950 млрд. теңге жұмсалды.
Сондай-ақ эпидемияға қарсы шараларды жүргізуге 422,6 млрд.теңге бөлінді.
Жалпы, мемлекет өзінің әлеуметтік міндеттемелерін толық көлемде орындады, – деп атап өтті Жамаубаев.
#ҚР_ҚМ_баспасөз_қызметі
542 views06:54