2021-09-28 00:11:10
“Екінші болма” кітабында мына дерек айтылған:
“Дүниежүзіндегі адамдардың 2%-ы ғана ойлана алады, ал 3%-ы “ойлана аламын” деп ойлайды екен, қалған 95%-ы мүлдем ойланбайды”.
Ал сен ше? Ойланасың ба?
Кез келген проблемаға жолықсаң,
“5 не үшін” техникасын қолданып көр. Бұл әдісті ойлап тапқан “Тойота” компаниясының негізін қалаушы Сакити Тойодо.
5 рет “не үшін?” екенін жазасың. Бесіншісі сен байқамаған нәрсені сыртқа шығарады.
Бір мысал беріп көрейін:
ҰБТ-дан қорқам.
1. НЕ ҮШІН ҰБТ-дан қорқамын?
- Өйткені грантқа түсе алмаудан қорқамын.
2. НЕ ҮШІН грантқа түспеуден қорқамын?
- Өйткені ата-анам ренжиді
3. НЕ ҮШІН ата-анам ренжиді?
- Өйткені үмітін ақтай алмайм деп ойлайм
4. НЕ ҮШІН үмітін ақтай алмайм деп ойлайм?
- Өйткені пробныйдан аз алып жүрмін
5. НЕ ҮШІН пробныйдан аз алып жүрмін?
- Өйткені мен жүйелі дайындықты бастамадым
Міне, ҰБТ-дан қорқуыма ата-ана да, үміт те, реніш те негізгі себеп емес екен. Себеп - өзімде:
Менің өзіме сенетіндей дайындықты әлі бастамауым.
Түнде кеш жатып, таңертең ерте тұра алмауым.
Дайындаққа енуге қиналып, сериал мен фильмге оңай ене алуым.
Осы секілді әркім өз жағдайына қарай анықтаса болады
17 views21:11