2021-03-14 10:10:24
Қазақстандағы ТОП деген сценаристердің қаламақысы
Сауалнамадан 28 адам өтті. Этикалы-моральді тұрғыда кімдер екені жазылмайды. Бірақ сіздерге түсінікті болу үшін мына ақпаратты берейін.
Сценарий жазып жүргеніңізге қанша уақыт болды? – дейтін сұраққа авторларымыз былай жауап берген:
5-7 жыл – 13
10-15 жыл – 5
1-3 жыл – 5
3-5 жыл – 4
7-10 жыл – 1
Тәжірибелері жетерлік екенін көрдіңіз. Плюс жазған жобаларын білсеңіз «уау осы жобаны жазған ба не» деп шошисыз отвечаю. Ақшаға оралайық...
Соңғы жазған сценариіңізден қандай табыс таптыңыз? – дейтін сұрақтың жауаптары:
3 000 000 KZT – 2
500 000 – 1 000 000 KZT – 12
300 000 – 500 000 KZT – 3
100 000 – 300 000 KZT – 6
50 000 – 100 000 KZT – 5
Бұл жерде сценаристердің соңғы жазғандары: жарнамалық ролик, клип, вайн, скетч, квн секілді көлемі аз дүние де болуы мүмкін.
Толық метрді қанша теңгеге жазасыз?
500 000 – 1 000 000 KZT – 7
100 000 – 300 000 KZT – 2
1 000 000 – 2 000 000 KZT – 7
3 000 000 – 5 000 000 KZT – 8
Қалған жауаптарда нақтылық жоқ
Чинаның субективті пікірі болады кәзір, байқаңыз.
Ақан Сатаевтың forbeskz журналына берген сұқбатынан келесідей ой қорытамын.
Казахфильм директорының айтуынша сәтті шыққан фильмдер Қазақстандық кинопрокаттан 1 млн доллар табыс табады екен. Оның 50 пайызын, яғни 500 мың долларын кинотеатр алады, 6-7 пайызы дистрибьюторге кетеді.
Сонда шамамен фильм атып кетсе студия немесе продакшн 500 мың доллар көлемінде табыс табады. Енді осындай фильмнің өндірісіне 100 мың доллардан көп ақша кетсе үлкен тәуекел дейді Ақан Сатаев.
Осы ойды негізге алсақ, толық метражды фильмнің өндірісіне 100 мың доллар кетеді екен, ол дегеніміз 40 000 000 теңге. Сол 40 млннің сценарийге деп 4 млн теңге бөлуі, меніңше орынды.
Егер сіздің арқаңызда кем дегенде бір «айырған» жобаңыз болса, сол 4 млн теңгеге жақын соманы сұратсаңыз болады. Бірақ қазіргі кино саласын, қазіргі кинотеатрлар жағдайын ойласам, продюсердің немесе продакшннің дегені бәрібір болатын сияқты.
Ал мен секілді жас сценаристерге айтарым сол «айыратын» жобаны жазғанға дейін ақшасына қарамай еңбек етіңіз енді.
Бұл толық метражды фильмдерге қатысты әңгіме. Көп сериялы тв жобалардың қаламақысы туралы білгіңіз келе ме? О-ооо... қызықтың көкесі сол жақта.
1.1K viewsedited 07:10