2022-07-13 09:11:17
Бауыржан Абдубаитов: «Біз қаржы тұрғысынан қиын жағдайдамыз».
«Ордабасы» осы маусымда ең жас әрі бюджеті аз команда ретінде жарқын ойын көрсетуде. Шымкенттік клубтың президенті Бауыржан Абдубаитов берген сұқбатында ҚПЛ-дағы екінші орынды қалай қабылдайтыны, Эльхан Астановтың РПЛ-ға кету мүмкіндігі және бұрынғы ойыншылар алдындағы қарыздар жайлы айтып берді.
- Бауыржан Тойшыбекұлы, «Ордабасы» - Қазақстан чемпионатының басты сенсация болар, команда екінші орынға табан тіреп тұр. Сіз бұл нәтижені күттіңіз бе?
- Өзіңіз білесіз, мен команданы чемпионат басталуына 10 күн қалғанда қолға алдым. Бұл өте қиын сәт болды, себебі командада 11 ғана ойыншы, оның үшеуі қақпашы және бірде-бір легионер болмады. Сол кезде барлығымен байланысқа шығып, көмек сұрадым. Бюджетіміздің аздығына байланысты барлық мүмкіншілікке қуана қарадық. Меніңше, біз командаға жақсы жас ойыншыларды жинай алдық, олар бағаны көтермей, қатарға қосыла кетті. Екінші орынға келетін болсақ, әзірге саралау ерте. Біз көптеген ойынды өз алаңымызда өткізгенімізді ұмытпауымыз қажет, алда сырт алаңдағы ауыр кездесулер күтуде. Келесі 4-5 турдан соң қорытынды шығаруға болады деп ойлаймын.
- Осы маусымда Эльхан Астанов «Ордабасы» көшбасшысы атанды. Оған ресейлік клубтар қызығушылық танытуда деседі. Бұл рас па?
- Астановқа қатысты нақты мәлімет жоқ. Алайда, мен, Эльхан және өзге жас ойыншылардың «Ордабасы» тәрбиеленушілері болғанына қуанамын. Әлбетте, көптеген жігіттердің қайраты арта түсті. Бірақ, бүгінгі таңда біздің бақылауымызда 2003, 2004, 2005 жылғы талантты ойыншылар бар. Біздің қазіргі мақсатымыз - оларды Астановтың деңгейіне немесе одан да биік деңгейге жеткізу.
- «Ордабасы» Астанов жайлы ұсыныстарды қарастыруға дайын ба?
- Біз қаржы тұрғысынан қиын жағдайдамыз, сол үшін ойыншылардан айырылғымыз келмейді, олар онсызда аз. Әрине, көптеген жағдайлар орын алуы мүмкін, бірақ дәл қазір біз оны сақтап қалғымыз келеді. Біздің клубтық саясатымыз: ойыншыларды тәрбиелеп, жарқын болашағын көрген жағдайда оларды сату, сонымен қатар біз өз-өзімізді де қамтамасыз ету қажетпіз. Алайда бұл болашақта. Қазіргі таңдағы жоспарымыз - қарыздарды жауып, трансферлік баннан құтылу және ойыншыларды тіркеу. Клуб қарызға белшесінен батқан, мұндай чемпионат тарихында ешқашан болмаған, десе де біз оларды жабу үшін барлығын жасаудамыз.
- Егер банды алып тастаса, командаға Акмаль Бақтияров пен Максим Федин қосылады ма?
- Ауызша келісім бар. Егер баннан құтылсақ, олармен келісім-шартқа отырамыз.
◉ Айта кетейік, Абдубаитовтың сұқбаты 9 шілде күні алынған, ал осы аптада бізге белгілі болғандай шымкенттік клубтан трансферлік бан алынып тасталған және олар қазір ойыншыларды тіркеуді бастап кетті.
Vesti.kz
124 viewsedited 06:11
S
