Қазақстан Республикасы Орталық сайлау комиссиясының төрағасы Н | Азат Перуашев
Қазақстан Республикасы Орталық сайлау комиссиясының төрағасы Нұрлан Әбдіровке жексенбі күні өткен Қарағанды облысы Абай ауданы Ақбастау ауылының әкімін сайлауда орын алған және «Ақ жол» демпартиясы Қарағанды облыстық филиалының төрағасы Ермек Әбілдиннің кешегі өтінішінде айтылған сайлау заңнамасын бұзу фактілері бойынша ресми хат жолдадым.
Қарағанды облысының әкімі Жеңіс Қасымбекпен таңертең сөйлескенімде, ол да біздің қарсылықтарымыз бойынша ОСК-ға хабарласқанын айтты, сайлау комиссиясы барлық қатысушы тараптарды тарта отырып, фактілерді ресми түрде тексеруге уәде берді.