Педиатр Нур Олимовна

2022-07-25 21:16:23 Ашу / Түсініктеме

2022-07-25 21:12:56 Ашу / Түсініктеме

2022-07-25 21:10:40 Ашу / Түсініктеме

2022-07-25 21:09:34 Ашу / Түсініктеме

2022-07-25 21:07:35 Ашу / Түсініктеме

2022-07-25 21:05:52 Ашу / Түсініктеме

2022-07-25 21:02:21 Hurmatli obunachilar, ota-onalar!

"Bola ham odam" postinining keyingi sonlarini qo'yishdan oldin, oila tushunchasiga oydinlik kiritsak. Chunki shuncha ta'kidlashga qaramay, oilalarda parokandaliklar, ajrimlar uchrab turibdi. Ushbu sizga havola qilinayotgan anketani hamma sinab ko'rishi mumkin, hatto oila qurganlar ham, zero o'z fikrlaring ustida mulohaza yuritsalar... Ашу / Түсініктеме

2022-07-21 20:14:24 Qadrli obunachilar,

kanalimizdagi postlar sizlarga manzur bo'layotganidan xursandman va bundan keyin yanada aktual mavzularda o'z bilganlarimni ulashishga harakat qilaman.

Sizdan esa, kanalimizni boshqalarga ulashish va foydalanuvchilar sonini oshirishga yordam berishingizni so'rar edim.

Yuqoridagi postning davomini, obunachilarimiz 1300 taga yetganda, kanalga joylayman inshaalloh

Xurmat bilan,

Pediatr Nur Olimovna Ашу / Түсініктеме

2022-07-20 21:02:59 ​​Bola ham odam...(1-qism)

Qadrli onalar, bolani go'zal xulqli qilib tarbiyalash uchun bir necha maslahatlarga amal qilsangiz kifoya.

Tasavvur qiling, bir derazadan 3 xil inson tashqaridagi manzaraga qarab turibdi, birinchisi axlat uyumlarini ko'rdi, ikkinchi odam esa bulutli havoni ko'rdi, uchinchi odam esa go'zal kuz manzarasini ko'rdi.

Avvalgi ikki odam bu manzaraga befarq qarab turardi, uchinchi odam esa zavqlanib, sevib tomosha qildi.

Demak, 1- maslahat :
Bolalarimizga har qanday holda ham go'zal va ajoyib xilqatni ko'rgandek sevib yuzlanaylik.
Biz ham bola bo'lganmiz, biz ham to'polon qilganmiz, uyni kovlashtirib, narsalarni sindirganmiz, buzganmiz, xarxasha qilganmiz, yig'laganmiz.

Buni tabiiy hol deb hisoblang, chunki bola shu bilan bilmaganini kashf qiladi va bu harakatlar tagida doimo yaxshi niyat bor, siz faqat undan "nega unday qilding"deb so'rangchi, U "sizni ataylab ranjitish uchun qildim" dermikan?!

Yo'q, u sizga yordam bermoqchi, siz kabi harakat qilmoqchi yoki sizga o'xshamoqchi bo'ladi xolos.

2-maslahat :
Katta odamlarga aytish mumkin bo'lmagan barcha gaplarni bolalarga ham aytmang, chunki ular ham xafa bo'ladilar, nafratlanadilar, o'ziga ishonmay qo'yadilar. Bolalarning kattalardan farqi - ular sizga javob qaytarolmaydilar.
Masalan, bolaga "Hozir borib nima qilsam qilaman-a!" degan gapni qaynonangiz, turmush o'rtog'ingiz yoki boshlig'ingizga aytsangiz, nimalar bo'lishini bir tasavvur qilib ko'ringchi?!

Bolalarni zaifligidan foydalanib, insofsizlik qilish kerak emas.

Pediatr Nur Olimovna Ашу / Түсініктеме

2022-07-14 15:54:14 ​​Qadrli onalar,

bolalar tarbiyasi haqidagi maslahatlarni boshlaymiz.

Aytingchi, bolangiz sizni juda g'azablantirganda qanday so'kishlarni ishlatasiz?Uyalmang, keling bir boshdan sanaylik: "ahmoq, eshshak, it, rasvo, maraz, landovur, hayvon, jinni, ... "

Sanasam tugamaydi.

Tahdidlarni sanayman: "O'lgur, joning chiqqur, harom o'lgur, ...".
Afsus, davom ettirolmayman.

Qani aytingchi, bu bola kimniki, bu bolaning tanasidagi a'zolari, hujayralari, qoni kimniki bilan bir xil?

Diqqat bilan qarang, uning ko'zlari sizning onangizga o'xshaydi, burni otangizga, sochi qaynotangizga, rangi turmush o'rtog'ingizga, qo'yingki, aziz insonlaringiz bu bolaga nasliy genlarini bergan,
u sizning hujayralaringizdan tashkil topgan.

Endi tafakkur qiling, siz kimni yoki kimlarni haqorat qilyapsiz, kimga qo'l ko'taryapsiz?

Alloh yo'q narsadan sizga ne'mat ato qildi va uni omonat o'laroq berdi. Omonatlarni qay darajada saqlayapsiz, onalar?
Aytishingiz mumkin, hayotda bolaga ma'lum chegara qo'yish kerak deb. Odob-axloq chegarasiz bo'lmaydi, lekin chegaralarni o'rgatishda hotirjam, muloyim misollar bilan tushuntirish mumkinku?!

Onangiz sizni qattiqqo'llik bilan katta qilgani uchun bolangiz aybdor emasku?!

Onalar, "Bolajonim" deb murojat qiling, "siz" deb murojat qiling, chunki bu aynan o'zingizga nisbatan munosabatdir.

Pediatr Nur Olimovna Ашу / Түсініктеме