Реже тийкарында отинайыларға оқыў-семинары ѳткерилди Бүгин Қа | Paziyletuz | Рәсмий канал
Реже тийкарында отинайыларға оқыў-семинары ѳткерилди
Бүгин Қарақалпақстан Республикасы Министрлер Кеңесиниң шѳлкемлестириўи менен ҳәм де Қарақалпақстан мусылманлары қазыяты мәжилислер залында республикамыздағы қала ҳәм районлардағы ҳаял-қызлар кеңесгѳйлери, имам-хатиблердиң ҳаял-қызлар мәселелери бойынша жәрдемшилери ҳәм де отинайылар ушын бир күнлик оқыў-семинары ѳткерилди. Семинарда республика үгит-нәсият топарлары басшылары, Муҳаммад ибн Ахмад ал Беруний орта арнаўлы ислам билим журты аға оқытыўшылары тәрепинен «Ҳаял-қызлар ҳәм жаслар арасында социаллық иллетлер ҳәм олардың алдын алыў. Қурани Кәрийм ҳәм ҳәдиси-шәрифлерде руўхый қәдириятларды ҳаял-қызлар санасына сиңдириў усыллары. Ислам дининдеги мәзҳаблар, фирқалар ҳәм ағымлар. Жат диний идеяларға қарсы иммунитетти қәлиплестириўдиң әҳимийетли тәреплери» темаларында сәўбетлесиўлер болды. Семинар қатнасыўшылары ѳзлерин қызықтырған сораўларына жуўаплар алды.