Өзгеріс ойдан басталады

2022-07-24 18:22:04 Бақытты адам
Бақытты адамдар менің бойымнан қызғаныш тудырмайды, тіпті шектен тыс бақытты болса да, түк кейіс болмайды: мүлде теріс қылық, сезім оятпайды. Бақытты бола білу – нақты психологиялық анықтауыш, ол да тура ақыл, қайрат, мейірім сияқты. Шынымды айтсам ақылды адаммен сөйлескенше бақытты адаммен сөйлескен ұнайды. Негізі үнемі ақылды адамдармен сөйлесіп үйреніп қалғанмын. Сондықтан мол тәжірибеме сүйеніп айта аламын: ақылды адам өзгеге көп жаңалық пен қызықты дүние айта бермесін білем. Әсіресе, егер ақылды адам сізбен әріптес болса. Есесіне бақытты адам – әрдайым шынайы әңгімелеседі, өмірлік мақсаттың материалды тұғырын анық айтып береді.

Лидия Гинзбург
Аударған Шынар Әбілда Ашу / Түсініктеме

2022-07-19 08:28:20 ӘЛЕМ СЕН СИЯҚТЫ ЖАНДАРҒА МҰҚТАЖ!

Достарыңның арасында міндетті түрде гүлдің шешек атқанын, бұлттың ерекше күлкілі пішінді көрсеткенін, көршінің мысығының көзі күнде өзгеретінін байқайтын біреу болады.
Көлеңкесінен қашып құтылуға тырыспайды. Керісінше сол көлеңкемен би билеп үйренетін бір ерекше әпенді дос болады.
Үйін қандай жақсы көрсе, сапарға шыққанды да сондай жаны сүйеді.
Ол басқалар не ойлайды дегенді қаперге алмастан көшеде ән салып, саябақта билеп, құстарға құлақ түре жүреді.
Өзгенің көрген түсін мұқият бағалайтын, біреуді сыртынан сөгудің не екенін білмейтін, үрей бас көтергенде де жүрегі жап-жарық боп тұратын жандар болады.
Өн бойындағы сиқырды, жарықты, ғажапты, тылсымды, өмірді – қалай айтсаң да бәрінің мағынасы бір ғой, соны сақтап үйренген жандар болады.
Бұл дүние мейірімді, қайсар, әділетті жандарға мұқтаж.
Тура сен сияқты!

Елена Игнатьева
Аударған Шынар Әбілда Ашу / Түсініктеме

2022-07-09 05:52:48 Сезім серт!
Сүйдің бе - бас тартпа! Сезіміңді сыйлауың - иманыңды қорғауың! Өйткені, әр сезімнің бастауы - иман. Жүрекке мейірім сыйлаған, санаңды тазалыққа жетелеген, атымтай жомарт етер махаббат сыйлауға лайық! Өзің құрметтей алмаған сезімді өзгелер бағалайды деп күтпе! "Адамның адамгершілігі өз махаббатын қорғай алуынан басталады". Қайрат Рысқұлбеков. Өз сезімін сыйлаған жан өзгенікін де құрметтей біледі! Сондықтан сезімсіз өмір оңай деп ойлама! Сезімсіз өмір жоқ! Сезім серт! Сүйдің бе - сезімге адал бол!

#аударма Ашу / Түсініктеме

2022-07-04 12:01:33 Ғажап
Басыңдағы бақытсыздыққа қарамастан риясыз жақсы көретін адамдар болады. "Не үшін? Қай қылығыма бола?" деп ойлайсың. Түсінбейсің. Адам деген ұлағатты атына жүрегі сай болған соң сүйетін шығар. Бұл ғажап. Өмірде күнде кездесетін кішкентай ғажаптардың бірі. Не ұлы ғажаптың нақ өзі. Сенің қара түнек өміріңнен титтей саңылау тауып, өз сәулесін шашатын ақжүректердің барына шүкір. Сондай жақсы адамның барына көз жеткізгенде "өмірдің мәні түнекте жүріп те ақ әлемді армандай білу, бәлкім" деп ойлайсың. Тағдырдың түнегінде қанша адассаң да, жүректегі нұрды өшіріп алма. Бір күні бәрібір бақытсыздықтың бодауынан шығып, еркін өмірге қадам басасың. Тиянақ табасың. Бәрі өзгереді.
Тек армандай біл... Тек армандай бер... Жүрегіңе әділет өз туын тіккенде, армандар орындалады...

#обыкновенныйвторник Ашу / Түсініктеме

2022-05-21 08:45:58 Ниет
Адамдардың жанына презерватив киіп алатыны жаман. Сүйкімсіздік. Неден қорқады? Ақиқат жан жаралар дей ме? Шын сүюден үркіп, қасықтап сезім білдіру, бір тамшыдан мейірім көрсетудің несі мәнді? Әлбетте, бар қиындық өзгеге сенгеннен басталатыны рас. Шынайы ілтипат білдіргенде арқаңа қанжар қадағандар көп болған болар. Бірақ содан елдің бәрі жауыз, тасжүрек боп кетпейді ғой. Ал сен неден сақтанбақсың? Жан дертінен? Қайғыдан қан жұтудан? Өмір соншалықты қорқынышты ма? Есік-терезені тарс жауып, пендешілік джунглиіне жолағың келмейді, ә?! Ет жақының ренжітсе, оңай тимесі анық. Бірақ достық та, махаббат та жүректің есігін жартылай ашқаннан мәнді бола салмас. Махаббат та, достық та бүтін болса ғана, жүректі шын сезімге бөлейді. Мен өзіме қымбат адамдар үшін жанымды суырып бере алам. Олардың да маған ниеті дәл сондай бүтін болғанын қалаймын. Сезім — батыл адамдардың қаруы, байлығы. Маған жүрегін аша алатын, шын құрмет пен ілтипатын қысылмастан көрсететін адамдар қымбат, қадірлі.

Алина Ермолаева, 2018 Ашу / Түсініктеме

2022-04-25 10:40:27 Махаббат жыры
Жігіттің соңынан жүгіріп шаршамаңдар. Сенікі тек сенікі болары сөзсіз. Жаңа адамдармен танысып, араласып, ымыраластық танытқан жөн. Бірақ өміріңе тек шынайы сүйген адамды енгіз. Өзін азаматтық позициядан көрсете алатын жігітпен ғана бір болу керек. Ықыласын білдіріп, қамқор болып, еркелігің мен ашуыңды көтере алатын, жылаған сәтте маңдайдан сүйіп жұбататын жанды күт. Сенің азаматың міндетті түрде керек кезде қасыңнан табылады. Арада нешеме шақырым болса да, ол бар екенін сездіртеді. Сен оның махаббатын, қамқорлығын әрдайым сезінетін боласың. Өкпелеткен, ренжіткен жігіт - сен үшін жат болғаны. Сенің махаббатың тек қамқорлыққа бөлейді. Оның жан-дүниесіндегі әр дірілді сезетін боласың. Махаббат деген екеудің жыры. Махаббат та жалғыздық болмайды.


Анна Ланская Ашу / Түсініктеме

2022-04-14 22:17:06 Ашу / Түсініктеме

2022-04-08 16:44:55 Сексуалды қарым-қатынаста әйел беруші жақ. Ол өз қуатын еркекке сыйлайды. Еркек алушы жақ. Еркек менталды тұрғыда да жақындасқан әйелдің қуатын қабылдауды жалғастыра береді. Тіпті бірге болмаса да қабылдайды. Сондықтан ер мен әйелдің арақатынасында өзара алмасу жүру керек. Еркек әйелге деген разылығын оған қорған болып, қамқорлық жасап, қолдауын аямауы тиіс. Егер мұндай әрекетке бара алмаса, онда ол ұры, эксплуататор. Әйелдің энергиясын алды, есесіне дым бермейді. Бұл қарым-қатынасты құрдымға кетіріп, әйелдің де, еркектің де энергиясын жұтатып, ауруға ұшырататын қатынас. Сондықтан махаббат спираль бойымен дамуы керек. Бір шеңбердің бойында жүріп қалса, екі тарап та көп қиындықты бастан кешеді.

Гуна Манджари, "Мен оған үйленер ем" кітабынан.
Аударған Шынар Әбілда Ашу / Түсініктеме

2022-03-26 12:28:58 Ашу / Түсініктеме