Otyrar QAZ

2022-08-01 19:19:42 Елімізде декреттік демалыс уақытын ұзарту ұсынылды. Бүгінде оның мерзімі бір жыл, бірақ мамандар аталған көрсеткішті бір жарым жылға дейін көтеру керек дейді. Бұл жөнінде Мемлекеттік әлеуметтік сақтандыру қоры мәлімдеді. Бүгінде ерлер де, әйелдер секілді декреттік демалысқа шыға алады. Ресми мәліметке сүйенсек, өткен жылы 3,5 мың әке бала күтімімен айналысуға бел буған. Ашу / Түсініктеме

2022-08-01 19:19:16 8 тамыздан бастап бизнес-идеяларды іске асыру үшін мемлекеттік грант алуға өтінім абылданады. Мемлекеттік грант – жаңа бизнесті іске қосу және дамыту үшін өтеусіз берілген бастапқы капитал. Грант көлемі 400 АЕК, яғни 1 225 200 теңге. Бұл қаржыны кімдерге алуға болады? Қандай шарттары бар? Ашу / Түсініктеме

2022-07-28 19:02:17 Темір тордың ар жағында қалай ақша табуға болады? 167/3 жалпы режимдегі колонияда жазасын өтеушілер жұмыс істеп, жақындарына көмектесуге тырысады. Мәселен, әлеуметтік желі жұлдызы танымал блогер Мұрат Әбділдә дәнеркерлеуші болып қаржы тауып жүр. Жалпы, сотталғандар бос уақытнда немен айналысады? Ашу / Түсініктеме

2022-07-28 04:16:43 Түркістан облысы Түлкібас ауданы Майлыкент жалпы орта мектебінің директоры пара алғаны үшін сотталды. Білім ордасының басшысы аталған мектептің ағылшын тілі мұғалімінің сауықтыруға арналған 467 112 теңге жәрдемақысының 200 мың теңгесін қолма-қол пара ретінде алған. Аталған іс-әрекет ҚР ҚК 366-бабы 2-бөлігінде көрсетілген ауыр санаттағы сыбайлас жемқорлыққа қарсы қылмыстық құқықбұзушылық ретінде тіркелген. Іс сотқа қысқартылған тәртіппен түсіп, қаралған. Сот отырысында сотталушы өз кінәсін толық мойындаған. Сондай-ақ, қамқорлығында кәмелетке толмаған екі баласы барын ескеріп, оған айыппұл жазасын тағайындауды сұранған. Айыпталушыға қатысты сот үкімі шықты. Енді бұрынғы мектеп директоры мемлекеттік қызметте жұмыс істей алмайды және 6 млн теңге көлемінде айыппұл төлейді. Дегенмен сот үкімі әлі заңды күшіне енген жоқ. Ашу / Түсініктеме

2022-07-27 20:13:46 Шымкентте посткеңестік кеңістіктегі ең үздік сумен жабдықтау нысандарының бірі орналасқан. Ол «Су ресурстары-Маркетинг» ЖШС. Мұндай теңеуді Еуропалық қайта құру және даму банкінің өкілі аталған мекемені аралап көру барысында айтқан болатын. Сырттай бақылаушы мамандар ұйымның инфрақұрылымы мен оның мүмкіншіліктерімен де танысты. Ашу / Түсініктеме

2022-07-27 16:19:44 Ашу / Түсініктеме

2022-07-27 16:19:15 ОРДАБАСЫ АУДАНЫНЫҢ ӘКІМІ ТАҒАЙЫНДАЛДЫ

Түркістан облысы Ордабасы ауданының әкімі Бағлан Батыршаев өз өтініші негізінде қызметінен босатылды.
ҚР Президенті Әкімшілігінің келісімімен, Түркістан облысының әкімі Ө.Шөкеевтің өкімімен Ордабасы ауданының әкімі болып Бадырақов Нұрбек Бақтыбайұлы тағайындалды. Мұны Түркістан облысы әкімінің баспасөз қызметі хабарлады.

Жаңа әкімді аудан активіне Түркістан облысының әкімі Өмірзақ Шөкеев таныстырып, алдағы мақсат-міндеттерін айқындап берді.
Аудандағы халықтың әлеуметтік-экономикалық жағдайын жақсартып, әл-ауқатын көтерудегі ел саясатын жүзеге асырып, Мемлекет басшысы бекіткен тапсырмаларды сапалы орындауды жүктеді.
Сонымен бірге аудан әкімі қызметін атқарған Бағлан Батыршаевқа жемісті жұмысы үшін алғысын білдірді.

Нұрбек Бақтыбайұлы 1988 жылғы 11 маусымда Оңтүстік Қазақстан облысында дүниеге келген.
Білімі – жоғары.
2009 жылы М.Әуезов атындағы Оңтүстік Қазақстан мемлекеттік университетін бітірген. М.Х.Дулати атындағы Тараз мемлекеттік университеті мен Қазақстан халықтар достығы университетін тәмамдаған.

Мамандықтары – су ресурстары және суды пайдалану; құқықтану.

Еңбек жолын 2009 жылы Оңтүстік Қазақстан облысы ауыл шаруашылығы басқармасында статист болып бастаған.
2010 жылы Оңтүстік Қазақстан облысы ауыл шаруашылығы басқармасының ауыл шаруашылық өнімдерін қайта өңдеу және жаңа технологияларды енгізу бөлімінің жетекші маманы болды.
2012 жылы Оңтүстік Қазақстан облысы ауыл шаруашылығы басқармасының егін және су шаруашылығы бөлімінің басшысы, 2013-2015 жылдар аралығында Оңтүстік Қазақстан облысы ауыл шаруашылығы басқармасы басшысының орынбасары қызметін атқарған.
2016-2017 жылдар аралығында «ҚазАгро» ұлттық басқарушы холдингі» АҚ ЕТҰ қызметін талдау және дамыту департаментінде бас менеджер, ҚР Парламенті Мәжілісінде депутат көмекшісі, Қазақстан Республикасы ауыл шаруашылығы министрлігінің агроөнеркәсіптік кешендегі мемлекеттік инспекция комитетінің Оңтүстік Қазақстан облыстық аумақтық инспекциясының басшысы, Шымкент қаласы әкімі аппаратының басшысы лауазымдарында жұмыс істеді.
2018 жылдан қазіргі уақытқа дейін Түркістан облысы ауыл шаруашылығы басқармасының басшысы болып еңбек етіп келді. Ашу / Түсініктеме

2022-07-27 12:11:37 Шымкентте қоқыс контейнерлерін заңсыз пайдаланатындар тыйылмай тұр. Қоқыс жәшігіне құрылыс материалдарын шығаратын жеке үй тұрғындары көп қабатты пәтерде тұратын азаматтарға кедіргі келтіруде. Өйткені, компаниялар қатты қалдықтарды алмайды. Жалпы мегаполисте мұндай ереже бұзушылықтар көп пе? Мамандар қандай кеңес береді? Ашу / Түсініктеме

2022-07-27 12:09:17 Қонаев даңғылы мен Рысқұлов көшесіндегі жолайрық құрылысы жыл соңына дейін пайдалануға беріледі. Жалпы нысанды қабылдау қазан айына жоспарланып отыр. Ал мердігер алдағы бес жыл бойы жолайрықтың сапасын қадағалап, ақаулар пайда болған жағдайда ретке келтіріп отырады. Қазір нысанда қандай жұмыс атқарылып жатыр? Ашу / Түсініктеме

2022-07-27 12:08:43 Шымкентте 24 жастағы жігіт өз-өзіне қол жұмсап, қайтыс болды. Бірақ марқұмның ет жақындары оның мұндай қадамға баруы мүмкін емес екендігін айтады. Сөздерінше, ұлдарын біреу қасақана өлтірген. Себебі, жігіттің денесінің сау-тамтығы қалмаған дейді олар. Ашу / Түсініктеме