Ораза дәрістері

2021-06-21 14:04:20 ​​ ЖАЗ АЙЫНДА ОРАЗА ТҰТУДЫҢ АРТЫҚШЫЛЫҒЫ

Сауабы ерекше артық берілетін құлшылықтардың қатарына – күннің ыстығына қарамастан, жаз уақытында ораза ұстау жатады. Сол үшін Муаз ибн Жәбәл (радиаллаһу әнһ) өлім ауызында жатқанда:

«Aлдыңғы мұсылмандар секілді күндіздің ыстығының қиыншылығын енді көре алмайтын болдым» деп өкінген еді.

Тағы бір хабарларда, Әбу Бәкірдің жаз уақытында ауыз бекітіп, қыс мезгілінде ораза тұтпағандығы жайында келеді. Сондай-ақ, мүміндердің әміршісі Омар ибн Хаттабқа өлім сәті жақындағанда, баласы Абдуллаға былай деп өсиет өткен еді:
«Иман негіздерін толық меңгеруге тырыс», әрі ең бірінші айтқаны «жаздың қатты ыстық кезінде ораза ұстаушылардан бол!»

Қағб айтады: «Алла Тағала Мұсаға (ғалайһиссәләм) былай деген: «Егер кімде-кім Мен үшін ыстық күндері шөлдің қиыншылығын көретін болса, Қияметте Мен оның шөлін қандыруыма уәде беремін».

әл-Хасан айтады: «Аллаға жақын болған құлы жәннатта балдан болған теңіздің жағасында хор қызбен жатқанында, хор қызы оған шарап толы кесені ұсынып, кейін сұрайды екен: «Сіз білесіз бе, Алланың мені сізге қай күні үйлендіргенін? Алла жаздың ұзақ және ыстық күні сіздің шөлдеп, таңдайыңыз қатып, ерніңіз кезерген халде ораза ұстап жүргеніңізді көріп, періштелерін шақырып айтты: «Менің құлыма қараңдар! Ол өзінің әйелін және барлық ләззат атаулыны, сусына мен тамағын Менде болған нәрселер үшін тастап қойды. Куә болыңдар, Мен оны кешірдім. Сол күні Ол сізді кешіріп, мені сізге үйлендірді» деп жауап береді.»

Амр ибн Абд Қайс Басрадан Шамға барған уақытында Муғауия (радиаллаһу әнһ) оған «не керек екендігін сұраңдар» деп қызметшілерін жібереді. Бірақ, ол өзіне ештеңе қажет еместігін айтады. Бірақ Муғауия бірнеше рет сұратқандықтан оған былай деп жауап береді:

«Маған бар керегі, ауыз бекіткен шағымда қиындық сезіну үшін Басраның ыстығын біздің жаққа жіберсеңіздер, өйткені, мына өлкеде ораза ұстау тым жеңіл».

Бірде әл-Хаджаж Мекке мен Мединаның арасына сапарға шығады. Кешкі асын шығарып бір бәдәуиді (дала арабы) ас ішуге шықырады. Сонда әлгі бәдәуи:

«Мені сенен де абзал болған асқа шақырды, мен оны қабылдадым» деді. «Ол кім?» деп сұрағанда, «ол – Алла» деді. «Ол мені ораза ұстауға шақырды, мен оны қабыл еттім. ». әл-Хаджаж таң қалып: «Мынадай ыстық күнде ме?» деп сұрағанда, «Иә. Себебі, алдымызда бұдан да ыстық күн бар.» деп жауап береді. Сонда әл-Хаджаж: «Олай болса, қазір тамақтанып, ертең ораза ұста» дегенде, әлгі адам: «Егер ертеңге дейін өмір сүруіме кепілдік берсең ғана», дейді. Әл-Хаджаж «Бұл менің қалауымдағы нәрсе емес» деп жауап қатады. Сонда әлгі бәдәуи: «Ендеше болашақта сенің қолыңда болмайтын нәрсені, қалайша қазір сұрайсың?» деп жауап берген екен.

Ардақты сахаба Абдулла ибн Омар (радиаллаһу әнһумә) бірде өзінің сахабаларымен сапарға шыққан уақытында, қой бағып жүрген бір қойшыны кездестіреді. Оны асқа шақырғанда, әлгі қойшы «Мен оразамын» деп бас тартады. Ибн Омар: «Сен мынадай шөптер мен қойлардың арасында жүре тұра ораза ұстадың ба?» депсұрайды. Сонда әлгі қойшы: «Мен өмірімнің қалған күндерін жақсылыққа пайдаланып қалғым келеді» дейді. Бұл жауапқа таңырқаған ол: «Қойларынның біреуін маған сат. Қашан сен оразаңды ашқанда етін пісіріп береміз және оның ақшасын да төлейміз» дейді. «Қойлар менікі емес, олар менің қожайымдікі» деп жауап қайтарады қойшы. Абдулла ибн Омар: «Ал, қожайыныңа қойларды қасқыр жеп кетті деп айтсаң қайтеді» деп сұрады. Сонда қойшы саусағын аспанға көтеріп, «Алла оған не дейді?» сұрады. Ибн Омар сол сөзді қайталай берді, қайталай берді. Кейін қалаға жеткен соң қойшының қожайына барып, қойларын және қойшыны сатып алды да, қойларды әлгі қойшыға сыйға ұсынды.

Алланың разылығы үшін ыстық күндері сабырлық танытып ораза ұстаған құлдарын Алла Тағала жәннатқа «әр-Раййан» атты есіктен кіргізеді. Ол есіктен кіргендер сондай сусыннан ішеді, ол сусынды ішкен адам ешқашан шөлдемейді. Кейін бұл есіктен ораза ұстағандар толық кіргеннен кейін, қақпалары жабылады да, оған кейінгілердің біреуі де кіре алмайды …»

Ибн Рәжәб әл-Ханбалидің «Латаиф әл-мағариф» кітабынан ықшамдап аударылды Ашу / Түсініктеме

2021-06-14 14:32:39

Ашу / Түсініктеме

2021-05-28 21:33:38

Ашу / Түсініктеме

2021-05-18 08:44:50 ​​ Шәууал - Ислам күнтізбесіндегі оныншы ай. Негізі шәууал сөзі шин, уау және ләм деген үш түрлі түбір әріптерден құралған, сөзбе-сөз көтерілу, көтеру, жоғарылау деген мағынаны білдіреді. Сөздің лингвистикалық тұрғыдағы мағынасы - түйенің құйрығын көтеру дегенге саяды. Аңға шыққан арабтар ат не түйені көлік есебінде пайдаланған, осыдан шығып бұл шәууал аталып кеткен, яғни түйелер (саяхаттап) жолға шығатын ай деген сөз.
⠀
Айдың атауына байланысты және бір пікір мынадай: жылдың дәл осы мезгілінде еркек түйелер үздіксіз құйрықтарын (бұлғандатып) көтеріп, ұрғашы түйелерді (яғни, аруаналарды) қашыратын болған. Сондықтан арабтар бұл айды Шәууал атаған.
⠀
«Кәнз әл-уммәл» еңбегіндегі риуаятқа сәйкес, Ибн Омардың (Алла оларға разы болсын) былай дегендігі келеді:
⠀
«Рамазан айының Рамазан аталуының себебі – бұл (айда) күнәлардың жоқ болып, жойылуынан. Ал Шәууал айында түйелердің құйрықтарын көтергеніндей күнәлар да көтерілетіндіктен, айдың атауы да осылай аталды». (Кәнз әл-уммәл 8/588).
⠀
Жазба ұнаса лүпіл басып, жақындарыңызға таратыңыздар.
⠀
Дайындаған: @mihrab_kz Ашу / Түсініктеме

2021-05-12 18:23:11 Ораза айт құтты болсын!!! Ашу / Түсініктеме

2021-05-05 21:50:50 Ораза қабыл болсын! Ашу / Түсініктеме

2021-04-22 15:17:09 Құрметті жамағат! Бізге @orazalivebot арқылы күніне ондаған сұрақ келеді. Арасында біздің біліміміз бен тәжірибеміз жетпей жататын сауалдар да кездеседі.

Осыған орай, сіздерді Атырау облысы бойынша пәтуа ісіне жауапты маман, Атырау қалалық мешітінің ұстазы Ерболат Бохановпен болатын эфирге көруге шақырамыз. Эфир барысында өзіңізді толғандырған сұрақтарды қоя аласыздар!

Сілтеме: instagram.com/iman_zhastary

Уақыты: 20:00 (Астана уақытымен) Ашу / Түсініктеме

2021-04-22 15:17:07 Ашу / Түсініктеме

2021-04-20 18:35:25 ​​ РАМАЗАНДА БОЛАТ СИЯҚТЫ БОЛМА!
⠀
Болаттың биыл ораза ұстап жатқанына 6-жыл. Рамазан жайлы ешқандай кітап, мақала оқымайды.
Болат “Ораза ұстап жүргеніме 6 жыл болды ғой, бәрін білемін”, - деп ойлап, алдын-ала дайындалмаған.
⠀
Рамазан кірді. Таңға дейін ұйықтамай ауыз бекітуді күтіп, сәресін ішіп алды. Сәресін күндіз ештеңе жемеймін, аш қаламын деп қорқып, қарны жарылғанша жеді. Одан соң таң намазын оқып, ұйқыға кетті. Болат ұйқыдан 14:00-де тұрып, телефонын іздеді. Телефонын шұқылап жатып сағаттың 15:00 болғанын байқамай қалды.
⠀
Денесі ауырып, төсегінен әзер дегенде тұрып, екі көзін уқалап душқа барды. Душтан шығып телефонына қараса бесін намазы шығайын деп жатыр екен. Асығыс-үсігіс парыз намазын оқып алды.
⠀
Артынан "дәрет бар кезде екінті намазын оқып алайын" деген жақсы ойға келді. Екінтіні оқып, сағатқа қараса ауызашарға екі сағаттай уақыт бар екен. Болат ауызашарға дейін уақытты өлтірейін деп, интернеттен 2 сағат болатын кино іздей бастады. 2 сағат кино көріп болысымен ауыз ашатын уақыт та кірді. Жүгіріп барып ауызын ашты.
⠀
"Су және құрмамен ашып, одаң соң ақшам намазын оқып, кейін тамақ ішу сүннет" екенін білсе де олай істемей, дастархандағы тамақтарды аузына тыққылай бастады.
⠀
”Тамақты асықпай же, балам!”, - деген анасының сөзіне “Қойшы, мам! Күні бойы аш болдым, мен оразамын“, - деп қабақ шытты. Бірақ ораза ұстаған адам сабырлы болу керек екенін Болат жақсы біледі, тек амал етпейді. Қарнын тойғызып болып, ақшам намазын әзер оқыды. Құптан намазы кірді. Құптан намазын оқып алды.
⠀
”Эхх, егер карантин болмағанда мешітке барып тарауық намазын оқитын едім. Үйде оқиын десем аз сүре білемін. Бір жағынан жалғыз оқыған біртүрлі екен тарауықты” деген сылтаумен оқымады. Сөйтіп "ең жақын досы" телефонды ұстап, әр түрлі видеоларды қарап, инстаграмды шұқылап қалай сәресі жақындап қалғанын байқамай қалды...
⠀
Болаттың проблемасы - біздің проблема. Қалай шешеміз?

@oraza_kz Ашу / Түсініктеме

2021-04-20 14:11:44 Біздің оқырмандарды жиі мазалайтын сұрақтың жауабы Ашу / Түсініктеме