NURLYBEK JENISBEKULY

2022-02-16 08:15:51 Өзіме һәм мемлекеттік қызметшіге тілек!

Кемістің кемтігін толтырып, олқының орнын бас. Нәмәртқа мәрттік көрсетіп, сараңғы жомарттықты үлгі ет!

Өзгенің тынышын құрметтеп, мінезіне сабыр таныт. Ұяттықты ұлық етіп, ұятсызға иба тіле!

Міскінге жанашыр, мүсәпірге мейірімді бол! Пейіліңнің кеңдігі мен ниетіңнің тазалығына ұқыппен қара!

Арсыздан алыс жүріп, күншілге көрші отырма!

Асыңа адал болсың, атыңа да кір кілмес. Бағыңа құрметпен қарап, барыңа тоба қыл!

Өткенге күпір етпей, сараптап сабақ ал! Тұсауды тіліңе, күшіңді білімге сал!

Қоғамға қызмет еткің келсе, осы қағидаларды іштей қайталап жүр!

Сонда көңілің түгел болар! Ашу / Түсініктеме

2021-12-31 21:19:57 Жаңа 2022 жыл құтты болсын!

Өс. Өн. Өрле!

Ортаң Өзіңмен ортайсын! Ашу / Түсініктеме

2021-10-23 23:23:37 Мақсатты - ақыл, қалауды – нәпсі оятады. Ұлтқа қызмет жасаймын дегендер осыны ұмытпаған жөн.  Ашу / Түсініктеме

2021-10-01 19:26:16 Шаттық сезімге бой алдырып, жанарың нұрланатын, жарқын жоспар құрып, айбынды шешім шығаратын, асқақ арманға жол салып, қиял құшағына еріксіз берілетін құлшынысты мезгіл - жастық шақ. Белсенділіктің шыңы, жігер мен қуаттың қайнайтын сәті.
Уақытында рахатын сезініп, қадірін біл.

Күл. Жыла. Сүй. Сезін. Жұбан. Жұбат. Қуан. Сен. Қателес. Жаса. Үйрен. Тасы. Кемелден. Қуаттан. Бәрі де жастыққа жарасымды.
Онсыз егделік пен кәрілік кезеңің сүйкімді болмайды. Ашу / Түсініктеме

2021-09-30 07:00:06 Көзге қораш қылығы,
Құлаш тілі - құрығы, 
Пайымы таяз, сөзі бос.
Бәденсіз сыртқы тұлыбы,
Ұлығымсып бітірер,
Құны арзын қырық іс.
...құбылыс?! Ашу / Түсініктеме

2021-09-22 17:56:31 Былайша сау басымыз көп. Бірақ, миға зәруміз. Құба шыңнан құлап қалмасақ екен?! Ашу / Түсініктеме

2021-08-25 20:46:43 Біздің қоғам сөйлеуді жақсы көреді. Әттең, тыңдаушы аз! Ашу / Түсініктеме

2021-06-29 11:49:33 Әл-Фарабидің мемлекет, ел басқару жүйесіне қатысты әлеуметтік-этикалық һәм саяси көзқарастары мен тұжырымдарын оқыған сайын тәнті боламын.

Қайырымды қала тұрғындарының көзқарастары туралы трактатында ол былай дейді:

- "Адам толығымен жетілуі үшін ол басқа да адамдардың қоғамдастығында өмір сүруі керек. Қауымның мүшесі болуы керек. Және сол қоғамның құраушысы болғандықтан өзгелерге де көмек көрсеткені жөн. Қауымның қажеті әр бір мүшесінің іс әрекетіне орай орындалады. Яки, бақытқа жету мақсатында адамдары бір-біріне көмек көрсететін қоғам, қайырымды қоғам болып табылады. Сонда ғана олар кемелденеді. Тыныш һәм үйлесімді өмір сүреді".

Негізі шынында да, Платонның және Аристотельдің жазған мінсіз мемлекеттеріне қарағанда, әл-Фарабидің қайырымды қаласында қауымдар көп. Яғни даму үрдісі тікелей сол қауымдарға байланысты.

Себебі кез келген қауым топтан құралады. Топ мүдделестерден тұрады. Сондықтан мүдделес азаматтар бір мақсатқа жұмылуы қажет. Мемлекетшілдік пен, елдікте және тұтас дамуда, қызығушылық пен жоспарлар біріксе, игілікке жол ашылары һақ. Ашу / Түсініктеме

2021-06-23 08:47:00 Елдің тұтқасы болып жүрген мемлекеттік қызметшілерді бүгінгі мерекемен құттықтаймын!

Ұлтқа қызмет жолында бағытымыз бір болып, бағымыз жансын! Ашу / Түсініктеме

2021-06-22 07:04:20 Адамзаттың осы кезге дейінгі жеткен жетістігі - алдымен адамның ойында пайда болған.

Ойдан - сөз туады, сөзден - іс келеді! Ашу / Түсініктеме