Адамдарды суицид жасауға дейін жеткізген Mudaraba capital қанд | Miyat KASHIBAY / Мият КӘШІБАЙ

Адамдарды суицид жасауға дейін жеткізген Mudaraba capital қандай компания?

Желіде қаржы пирамидасына алданған адамның өзін өртеп жіберген видеосы тарады. Ақпаратқа қарағанда, өзін өртеген әйел Mudaraba capital деген компанияға 20 млн теңге салған. Бұл компания құрылтайшылары кім, қашан құрылған? Осы сұрақтарға жауап іздеп көрдік.

Mudaraba capital ЖШС 2020 жылы 28 мамырда заңды тұлға ретінде тіркелген. Сол кезден бері басшысы – Руслан Бурханов деген адам. Компания Алматыда тіркелген. Қазір тоғыз құрылтайшысы бар. Олар: MG partners ЖШС, Самат Қасенов, Мейіржан Төребаев, Руслан Бурханов, Әзімжан Саидбаев, Біржан Жармұхамед, Ғалымжан Санабеков, Мейірхан Шерниязов, Андрей Ча.

Бұлардың арасында Мейіржан Төребаев пен Самат Қасеновтен басқалары компанияға құрылған кезден бері құрылтайшы. Ал Төребаев пен Қасенов құрылтайшылар қатарына компания ресми тіркелгеннен кейін жарты жылдан соң, 2020 жылы қарашада қосылған.

Компания 2020 жылы 1,3 млн, 2021 жылы 1,2 млн теңге салық төлеген. Қазір cалық органдарына 39 теңге қарыз бар.

Тіркелген кезде мекенжайын өтірік көрсеткен.