Massaget NEWS

2023-07-06 11:09:29 Түркістан облысында таудың басынан құлаған адам іздестіріліп жатыр.

3 шілдеде Сайрам-Өгем ұлттық табиғи паркінің аумағында 3 адамнан тұратын топ теңіз деңгейінен 4236 метр биіктікте орналасқан Сайрам шыңына шыққан. 1967 жылы туған ер адам таудың басынан түсіп келе жатқанда арқан үзіліп, турист мұз бойымен домалап, еңіске құлап кеткен.

5 шілдеде ауа-райының қолайсыздығына байланысты іздестіру жұмыстарын жаяу жүру арқылы да, авиатехниканы тартумен де жүргізуге мүмкіндік болмаған.

6 шілдеде таңғы сағат 6.30-дан бастап ТЖД Жедел-құтқару жасағының 8 құтқарушысы және альпинизм федерациясынан 4 альпинист іздеу жұмыстарына жіберілді.

t.me/massaget_news Ашу / Түсініктеме

2023-07-06 07:31:00 Астана күні құтты болсын!

Еліміз аман, жұртымыз тыныш болғай Ашу / Түсініктеме

2023-07-05 14:13:13 Шымкентте Ұлттық қауіпсіздік комитетінің бұрынғы капитаны 12 жылға сотталды.

Тергеу мәліметінше, ол сыбайлас жемқорлыққа қатысты күдікті ретінде танылған Шымкент тұрғынына "қамау" шарасын "үйқамаққа" өзгертуге, содан кейін істі толығымен "жабуға" көмектесуге уәде берген.

t.me/massaget_news Ашу / Түсініктеме

2023-07-05 12:11:55 Алматыда жолаушыларды қоғамдық көлікте тасымалдау тарифтері өзгеруі мүмкін. Қаулының тиісті жобасы "Ашық НҚА" порталында жарияланды.

Жолаушы жол ақысын қалай төлейтініне қарай ақы келесідей өзгереді: 

байланыс операторы, қоғамдық көлік картасы немесе мобильді қосыша арқылы төлейтіндер - 100 теңге; 

қолма қол ақшамен төлейтіндерге - 200 теңге болады.    

t.me/massaget_news Ашу / Түсініктеме

2023-07-05 11:59:05 Таиландта 49 жастағы Чатапорн Срифхонла өз жерлеу рәсіміне бара жатқан жолда есін жиды. Бұл туралы Daily Mail жазды.

Әйел бауыр ісігінен ауруханада емделіп жатқан, дәрігерлер оның отбасына науқастың өмір сүру мүмкіндігі өте аз екенін ескерткен. Содан кейін анасы қызының өмірінің соңғы минуттарын жақындарымен бірге өткізу үшін үйіне алып кеткен.

"Чатапорнды ауруханадан үйіне жеткізген күні дәрігерлер оның қайтыс болғанын хабарлады. Қызымен бірге келген анасы дереу туыстарына қайғылы жағдайды жеткізіп, қоштасуға дайындалуды өтінген. Содан кейін ғибадатханадағы рәсім және кремация жұмыстары басталған", - деп хабарлады басылым.

t.me/massaget_news Ашу / Түсініктеме

2023-07-05 09:10:56 Алматыда 20 жастағы бойжеткенге жеті қыз жабылып ұрып-соғып, қоқан-лоқы көрсеткен. Ол аздай, оларға тағы бір жігіт қосылып, қызды зорламақ болған. Жәбірленуші қашып құтылу үшін ғимараттың 3-қабатынан секіріп кеткен.

Аты-жөнін атамауды жөн көрген қала тұрғыны 2 айға жуық уақыт төсекке таңылып жатыр. 20 жастағы бойжеткен жантүршігерлік оқиғадан кейін аяғына тік тұра алмайды. Оның қолы, саусақтары, екі аяғы мен арқасы сынып, зақымданған, миы шайқалған.

"Мен саған 2 сағат беремін, 2 сағатта 100 мың теңге қойып бересің маған" деді. Олардың қолында пышақ тұрды, олар "5 жігітті кіргізіп беремін осы квартираға солармен жатасың деп айтты", осындай бір қосымшамен жұмыс істейсің деді, істемеймін деп қоймай қойдым. Сол кезде квартираға бір еркек келді, сосын Аружан деген қыз тұрды да мына қызды ал да кіре бер деп айтты. 10 мың теңге деді… Сол кезде не істерімді білмедім де асүйге қарай шықтым, терезе ашық тұр екен. Мен секіріп кеттім ол терезеден", - дейді жәбірленуші. 

t.me/massaget_news Ашу / Түсініктеме

2023-07-05 09:03:24 Қостанайда коммуналдық қызметкерлер көшеден адам сүйектерін тауып алған.

Қажетті тергеу әрекеттері жүргізіліп жатыр. Тиісті сараптамалар тағайындалды, олардың нәтижелері бойынша процестік шешім қабылданады.

t.me/massaget_news Ашу / Түсініктеме

2023-07-05 07:53:16 АҚШ Ұлттық экологиялық болжау орталығы дүйсенбі, 3 шілдеде Жер бетіндегі рекордтық жоғары орташа температураны тіркеді.

t.me/massaget_news Ашу / Түсініктеме

2023-07-05 07:52:14 Президент Қасым-Жомарт Тоқаев Астананың 25 жылдық мерейтойына арналған бауырлас қалалар форумына қатысып жатыр.

"Өздеріңізге мәлім, елорданы көшіру оңай болған жоқ, қомақты жұмыс істелді. Бұл шешім өте күрделі кезеңде қабылданды. Ел экономикасы тоқырауда болды. Жұрт нарықтық қатынастарға толық бейімделмеген кез еді.

Осындай қиын жағдайда Жоғарғы Кеңес Тұңғыш Президент Нұрсұлтан Әбішұлы Назарбаевтың бастамасы бойынша Астананы Ақмолаға ауыстыру туралы шешімді 1994 жылы 6 шілдеде қабылдады. Бас қаламыз ресми түрде 1997 жылы 10 желтоқсанда көшірілді. Ал осыдан 25 жыл бұрын 6 мамырда Ақмола атауы Астана болып өзгертілді. Елорданың жылнамасы Тәуелсіз Қазақстанның шежіресімен тығыз астасып жатыр. Шын мәнінде, астананы көшіру геосаяси тұрғыдан өте дұрыс қадам болды", - дейді Президент. 

t.me/massaget_news Ашу / Түсініктеме

2023-07-05 07:28:13 Жетісу облысындағы ең қарт әже Алтынхан Белдеубайқызы 112 жасқа қараған шағында қайтыс болды.

t.me/massaget_news Ашу / Түсініктеме