2022-09-18 18:43:27
Сүйер болсаң жаратқан Раббыңды сүй
Сүйгеніңе сөзді айтсаң көкейдегі,
Имансыз болса сені сезінбейді.
Сүйер болсаң жаратқан Раббыңды сүй,
Сонда ғана жүрегің езілмейді.
Сен сүйген жан бір күні сыйлар қайғы,
Көп жылайсың, көз жасың құрғамайды.
Сүйер болсаң жаратқан Раббыңды сүй,
Сонда ғана жүрегің сыздамайды.
Сен сүйген жан бір күні сұрар айды,
Алып бере алмасаң табалайды.
Сүйер болсаң жаратқан Раббыңды сүй,
Сонда ғана жүрегің ауырмайды.
Сен сүйген жан құлы болса сары алтынның,
Мәнін ұқпас сендегі махаббаттың.
Сүйер болсаң жаратқан Раббыңды сүй,
Сонда ғана жүрегің табар тыным.
Арада болса егер айқай-ұрыс,
Сен сүйген жан кетеді оралусыз.
Сүйер болсаң жаратқан Раббыңды сүй,
Сонда ғана жүрегің соғар тыныш.
Сен сүйген жан бай болса менсінбейді,
Байлығына сен кедейді тең көрмейді.
Сүйер болсаң жаратқан Раббыңды сүй,
Сонда ғана жүрегің кірлемейді.
Сен сүйген жан танымаса Хақ Құдайды,
Қу басыңды дүниеге тартқылайды.
Сүйер болсаң жаратқан Раббыңды сүй,
Сонда ғана жүрегің тұншықпайды.
Ажал келсе таппайсың жанға сырлас,
Сен сүйген жан қабірде болмас жолдас.
Сүйер болсаң жаратқан Раббыңды сүй,
Сонда ғана жүрегің жараланбас.
Жыр жаздым біраз істі мысал қылып,
Зерделі жан мағынасын алар ұғып.
Алланы сүйе алмасаң Раббым деп,
Пенделерді сүюің бекершілік.
Албаров Мадияр
https://t.me/albarov_madiyar
357 viewsАлбаров Мадияр, 15:43