2022-07-16 06:02:46
#Сингил
Бугун синглингиз ё опангиздан ҳабар олдингизми?
Фарқи йўқ, у ёнингиздами, ё узатилганми ва ёки кап-катта бўлиб неварали бўлганми.
Оилалими, бевами. Турмуши тинч ёки нотинч.
У сизни онангизнинг бир парчаси. Жигарингиз. Ғамхўрингиз.
Қай холатда бўлмасин, ҳеч бўлмаса ҳафтада бир хол сўраб қўйинг.
Балки у сиздан ҳабар ололмаётгандир. Турмуш ташвишлари, фарзандларининг юмуши билан ўралашиб вақт тополмаётгандир. Лекин сиз отасининг бир бўлагисиз. Отадан қолган ёдгори Сизсиз.
Эри ёнида суянчиқ бўлса ҳам. Ўғиллари кўмакдош бўлса ҳам,
Аканинг ва уканинг ўрни бўлак. Меҳри бўлак.
Уйига рўзғорлик қилиб олиб бормасангиз ҳам, биргина қўнғироғингиз, сизнинг "Синглим, тузукмисан? Хонадонинг тинчми? Ахволларинг яхшими?" деган гапларингиз, хавотирингиз унга қанчалик куч беришини ўйлаб кўрганмисиз?!
Фарзандлари, яъни жиянларингиз ҳам тоғаликни сиздан ибрат олиб ўрганишини биласизми?
Агар бу ишларни ўзингизга одат қилган бўлсангиз, СИЗ ЭНГ бахтли инсонсиз!
СИЗ ўз акалик ёки укалик бурчингизни бекаму кўст бажараётган экансиз.
Унутманг! Аллоҳ наздида ҳеч бир ишингиз жавобсиз қолмас! Ажрларга эга бўласиз иншааллоҳ!
Аслида биз аёллар ҳам бу муносабатларга жиддий ёндошишимиз керак.
Хўжайинларимизга опа-сингилларини эслатиб туришимиз шарт. Оналари ҳаётларга, албатта уларни биринчи навбатда кўриш лозим!
Ҳаммасини ўзимизга деб олиб қолавермай, хожамиз уйга олиб келган рўзғорлигидан маълум бир қисмини "опамиз ё синглимизни йўқлаб келайлик", деб айтиб қўйишни унутмайлик.
Эримиз кўча-иш, уй- рўзғор ташвишлари билан ёдидан чиққан бўлиши мумкин, лекин биз шундай пайтда эслатиб туришимиз керак.
Садақайи жорияни аввало ўз оиламиздан, жигарларимиздан бошлайлик.
t.me/limonsupermeyer
@issigxona
412 viewsedited 03:02