Көркем әдебиет ортаны түсінуге, аяушылық білдіруге үйретеді. О | Қазақша кітаптар

Көркем әдебиет ортаны түсінуге, аяушылық білдіруге үйретеді. Ол қиялдауды күшейтіп, сөздік қорыңызды байытады. Көркем әдебиетті бағалайтындар кеңірек ойлайды, жаңа тәжірибеге дайын және мәселенің шешіміне шығармашылық жағынан қарайды.

Фэнтези адамға түпсаналы түрде бас кейіпкер орнына өзін қойып, зұлымдықпен күресте жеңіп шығуына мүмкіндік береді. Соның арқасында оқырманда рухани қанағат сезімі ғана емес, өз-өзін бағалау сезімі өседі.

Фантастикалар жасөспірімдерде сыни ойлау дағдысын, эмоционалды интеллектісін, жасампаздығын жетілдіріп, жағымды рөлдік моделмен қиындықты еңсеруді үйретеді.

Детективтер ойлауды үйретеді. Әдетте оқырман шығарма соңында кімнің қылмыскер болып шығатынын есептеп шығару үшін миын қозғау керек. Сонымен қатар олар байқалмайтын детальдарға назар аударып, астарын ашуды үйренеді.

Ғылыми фантастика оқиғаның даму заңдылығын және олардың байланысын түсіндіре отырып әлем суретін кеңейтеді.

Комикстер елестетуді, қиялдауды және оқиға барысын бақылауды, оқиғаның қалай өрбіп жатқанын, логикасын, көркемдік көрінісін күшейтеді. Ең бастысы – әрі қарай оқуға, шығармашылыққа ынтасын арттырады.

https://t.me/kzkitap