2022-07-11 18:05:29
ҚР Премьер-Министрі Әлихан Смайылов Мемлекет басшысының тапсырмаларын орындау бойынша кеңес өткізді, онда
азық-түлік бағасының өсуін тежеу жөніндегі шаралар, инвестициялар тарту және өңірлердегі өзекті әлеуметтік проблемаларды шешу мәселелері қаралды.
Ең бастысы Жыл басынан бері әлеуметтік маңызы бар азық-түлік тауарының бағасы 17,4%-ға көтерілген. Пияз, қант, сәбіз, картоп, қарақұмық, макарон, ұн және қырыққабат бағалары ең көп өскен. Ал тауық жұмыртқасының бағасы төмендеген.
Премьер-Министр
әлсіз контрактация пияз бен басқа да көкөніс бағасының өсуіне әкелетінін атап өтті. Мәселен, пияз бағасы Қызылорда облысында және Шымкент қаласында ең көп өскен.
Әлихан Смайылов бірқатар тапсырма берді: «Айналым схемасы» шеңберінде кәсіпкерлік субъектілерін қаржыландыру бойынша жұмысты жандандыру, тұрақтандыру қорларының толықтырылуын қамтамасыз ету және бөлшек сауда үстемесіне мониторинг жүргізу;
Бәсекелестікті қорғау және дамыту агенттігіне көтерме жеткізушілердің бағалық сөз байласу және бәсекелестікке қарсы іс-әрекеттерін бақылауды күшейту;
Қаржылық мониторинг агенттігіне заңсыз қант сатушылардың қызметтерінің жолын кесу, оның ішінде әлеуметтік желілер мен жарнамалық қосымшалар арқылы сатуды болдырмау, сондай-ақ қант жеткізу арналарын бақылауға алу;
Ауыл шаруашылығы министрлігіне азық-түлікпен қамтамасыз етуге талдау жүргізіп, импорттың қажетті көлемін айқындап, өзімізде өнім өндіруді ұлғайту бойынша қосымша шаралар қабылдау тапсырылды.
Күн тәртібіндегі екінші мәселені қарау барысында Үкіметтің
ҚР инвестициялық саясатының жаңа тұжырымдамасын қабылдағаны атап өтілді, оның шеңберінде негізгі капиталға салынған инвестициялар бойынша жаңартылған индикатор
2026 жылға қарай ЖІӨ-нің 25,1% деңгейінде белгіленді.
Кеңеске қатысушылар өңірлерде жалақы бойынша берешекті болдырмау, еңбек дауларын шешу және алдын алу мәселелерін, сондай-ақ ТКШ жүйесінде тарифтердің өсу факторларын талқылады.
Үкімет басшысы қазақстандықтарды толғандыратын мәселелерді уақытылы шешуді тапсырды.#Үкімет
https://t.me/KZgovernment
787 views15:05