2022-07-08 20:25:47
Ол қатты боянуды, түске қарай оянуды сүймейді. Таңда ерте тұрып, тыныштықта серуендегенді қалайды. Қымбат көлік пен қымбат жылтырақтар оның өмірінің мәні емес. Кейде ресторанда ас ішкенше, оңашада отырып пицца тапсырыс беріп жеген оның көңілін көтере түседі. Өзінің сүйікті созылған жемпірін киіп алып көрген фильмдерді, құрбыларының ұнамаған қылықтарын, оқыған кітаптарындағы кейіпкерлері туралы үздіксіз айтқанды ұнатад. Әңгімесін тыңдамай телефонға үңілсең, сенен күнәлі адам жоқ. Ал, ол кеңес берген фильм не сериалдарды көрген болсаң одан бақытты жан жоқ.
Бренд, бірақ сапалы киінгенді, Coca Cola емес суды, Месси емес Роналдуды, WhatsApp емес Telegramды, электронды емес кәдімгі кітапты оқығанды жақсы көреді. Каблук пен кешкі көйлек кигеннен гөрі, ашық көк түсті ливайс, ақ футболка және кеды кигенді оған жайлырақ. Өзінің өлшемінен үлкен көйлек кисе де оның төсі мен бөксесін жасыра алмас. Ал дене мүсіні, ммм өзім мидан құрап тапсырыс берген модельдей.
Басқа қаладан келген кезде әуежайдан күтіп алмау ол үшін сатқындық. Ол үшін бір-біріне деген сенім “қайда жүрсің” не “кіммен жүрсіңнен” маңыздырақ.
- “Егерде менің көзіме қарап сені ғана сүйемін” - деп айтудан ұялмасаң, онда кездесе бер дейді де қоя салады. Кейде ренжітіп қойған болса телеграмға ;
- “Бірдеңе айтайын ба? -дейді
- “Айт” - дейсің ашуың тарқамай.
- “Бір рет сүйейінші”
- “Жоқ” - деп қырсықсаң, жүгіріп келіп құшақтап қысып жібермей қояды. Сонымен ашуың қайда қалғанын білмей қаласың.
25 viewsnazipa duisenova, 17:25
1
