Болашақ бүгіннен басталады. Ертең істеуіңіз керек нәрсені – бү | TИК ТОКка ТАРГЕТ

Болашақ бүгіннен басталады. Ертең істеуіңіз керек нәрсені – бүгін істеңіз, түстен кейін істеуіңіз керек нәрсені – түске дейін істеңіз. 

Бүгінгі күн сәтті күн бола ма, естелігі жоқ мағынасыз күн бола ма, маңызды емес. Маңыздысы – бұл күн сіздің өміріңізде бір-ақ рет болатыны, ешқашан қайтып келмейтіні. 

Бүгін барлығы керемет болмауы мүмкін. Бірақ оны керемет ету сіздің ғана қолыңызда. Ешкімнен ештеңе күтпеген кезде нағыз өмір басталады. 

Ешқашан ертеңмен өмір сүрмеңіз. Бүгін өмір сүріңіз. Себебі, кешегі күніңіз келмеске кетті, ал ертеңгі күннің болар-болмасы беймәлім. Барлығына бүгін кірісіңіз. 


Бүгін қандай болсаңыз, ертең де дәл сондайсыз. Өзгеру қажет болса, бүгін өзгеріңіз. Өміріңізге түбегейлі өзгеріс жасағыңыз келсе, ертеңді күтпей бүгін әрекет жасаңыз. 

Бүгінгі күннің сіздің өміріңіздегі ең жақсы күн екенін ұмытпаңыз...