КТК жаңалықтары

2023-06-05 20:51:09 Әйгілі футболшы Златан Ибрагимович мансабын аяқтады. Ашу / Түсініктеме

2023-06-05 18:06:48 Субұрқақта тоқ соққан қаршадай қыздың беті бері қарады. Төрт жастағы бүлдіршіннің өміріне еш қауіп жоқ дейді дәрігерлер. Ашу / Түсініктеме

2023-06-05 18:00:50 Алматыда полиция қызметкері табель тапаншасымен әріптесіне оқ атты. Ауыр жарақат алған 28 жастағы сержант оқиға орнында жан тапсырды. Полицияның мәліметінше, тәртіп сақшысы қызметтесін абайсызда өлтіріп алған. Ашу / Түсініктеме

2023-06-05 16:25:42 ТІКЕЛЕЙ ЭФИР
Кешкі жаңалықтар


Ашу / Түсініктеме

2023-06-05 12:38:36 Қызылордада жол-көлік оқиғасынан 1 адам көз жұмды

Қызылорда қаласында жеңіл автокөлік жолды белгіленбеген жерден кесіп өтпек болған жаяу жүргіншілерді қағып кетті. Олардың 1-уі оқиға орнында көз жұмса, 2-уі ауруханаға жеткізілді.

Оқиға 5 маусымда түнгі уақытта Қызылорда қаласындағы Абай даңғылы мен Есенов көшесінің қиылысында болған.

«Жеңіл автокөлік жолды белгіленбеген жерден кесіп өтпек болған жаяу жүргіншілерді қаққан. Оқиға салдарынан 1 адам оқиға орнында қайтыс болып, 2 адам ауруханаға жеткізілді. Аталған дерек Сотқа дейінгі тергеп-тексеру бірыңғай тізіліміне ҚР Қылмыстық кодексінің 345-бабының 3-бөлігімен тіркелді. Сот сараптамалары тағайындалды. Сотқа дейінгі тергеп-тексеру әрекеттері жүргізілуде», - деп мәлім етті Қызылорда облыстық полиция департаментінен. Ашу / Түсініктеме

2023-06-05 11:46:42 Есік қаласында балабақшадағы бүлдіршінді ұрған жаттықтырушы жұмыстан шықты

Оқиға Алматы облысының Еңбекшіқазақ ауданы Есік қаласында орналасқан «Айжан» бөбекжай балабақшасында болған.

«26 мамырда Еңбекшіқазақ ауданы Есік қаласындағы «Айжан» бөбекжай балабақшасының «Жалын» тобындағы тәрбиеленушінің ата-анасынан каратэ нұсқаушысы баласын жұлқылап, ұрды деген ауызша шағым түсті.
Жағдай арнайы бейнебақылау камерасы арқылы дәлелденді. Балабақшаның спорт залында тұрған бейнебақылау видеосын қарағанда каратэ нұсқаушысы жаттығу барысында балаларды қолымен нұқып, аяғымен түртіп, жұлқылағаны анықталды»,- делінген Алматы облысы әкімдігі баспасөз қызметінің хабарламасында.

Жағдайға байланысты балабақша қызметкерлерінің қатысуымен жиын өтті.

Каратэ нұсқаушысынан түсініктеме алынып, педагогикалық этика нормалары мен лауазымдық нұсқаулығында көрсетілген міндеттерді орындамағаны үшін «қатаң сөгіс» берілді.

Сонымен қатар, ол өз өтініші бойынша жұмыстан босатылды.

Видео: egovpress Ашу / Түсініктеме

2023-06-05 11:14:29 Алматыда полицей шетелдік әйелді итеріп, жерге құлатты

Алматыда полицей қызметтік көліктің есігін ашпақ болған шетелдік әйелді итеріп, құлатып жіберді, деп хабарлайды ҚазАқпарат.

Оның видеосы әлеуметтік желіде тарап жатыр.

Бейнежазбадан полицейдің әйелге дөрекі күш қолданып, итеріп жібергенін көруге болады.

Қалалық полиция департаменті видеоға қатысты қызметтік тексеру басталғанын мәлім етті.

«Аталған іс бойынша қызметтік тексеру басталды. Департамент басшылығы полиция қызметкерінің дөрекі іс әрекетіне баға беретін болады», - деп хабарлады Алматы қалалық полиция департаментінің баспасөз қызметі.

Видео: НеХабар Ашу / Түсініктеме

2023-06-05 10:14:06 Алматыда полиция қызметкері абайсызда әріптесін атып тастады

Тараған ақпарат бойынша, оқ атқан - 28 жастағы сержант. Ол жәбірленушімен бірге тамақтанатын бөлмеде отырған.

Оқ ПМ қызметтік қаруынан атылған. Қызметкер алған жарақатынан сол жерде мерт болды.

Куәгердің айтуынша, полицейлер арасында жанжал болмаған, олар жай сөйлесіп отырған.

Алматы қалалық полиция департаменті ақпаратты растады.

Ведомство мәліметінше, оқиға 5 маусымда болған. Полиция қызметкері қызметтік қарумен абайсызда өз әріптесіне оқ атқан, жәбірленуші алған жарақатынан қайтыс болған.

«Аталған дерек ҚР ҚК 104-бабы бойынша сотқа дейінгі тергеудің бірыңғай тізіліміне тіркелді. Тиісті сараптамалар тағайындалды»,- деп хабарлады ведомстводан. Ашу / Түсініктеме

2023-06-05 09:12:14 Мүгедектігі бар адамдарға кредит беруді шектеуге жол берілмейді

Мүгедектігі бар адамдарға кредит беруді шектеуге жол берілмейді. Бұл жайында Премьер-Министр Әлихан Смайыловтың Мәжіліс депутаттары сауалына берген жауабында айтылған, деп хабарлайды ҚазАқпарат.

«Қаржы нарығын реттеу және дамыту агенттігінің мәліметінше, 2023 жылдың 1 мамырындағы жағдай бойынша І, ІІ, және ІІ топтағы мүгедектігі бар 66,7 мың адамның негізгі қарызының жалпы сомасы шамамен 39 млрд теңге болатын тұтынушылық займдары мен шағын несиелері бар. Қазіргі уақытта банктер кредит берген кезде өтінім беруші табысының дәлелі ретінде ресми кірістерден (зейнетақы аударымдары туралы деректер негізінде есептелген) бөлек өтінім берушінің банктік есепшотына немесе картасына соңғы 6 айда түскен түсімдерді қабылдай алады. Бұған қоса, мүгедектігінің болуы немесе өтінім берушінің зейнетақы аударымдары жоқтығы, сондай-ақ орта, немесе жоғары білімінің, еңбек өтілінің болуы (болмауы) және басқа да осындай жағдай себебімен кредит беруді шектеу және бас тарту белгілеуге жол берілмейді», - деді Үкімет басшысы жауабында. Ашу / Түсініктеме

2023-06-05 08:53:52 Бір жыл бұрын қазақстандықтардың басым бөлігі, яғни азаматтардың 77,18 пайызы республикалық референдумда ел Конституциясын өзгерту туралы заң жобасын жақтап дауыс берді.
Конституцияға енгізілген түзетулер Президент, Парламент және сот институттарын реформалауды көздеді.
Осылайша, Мемлекет басшысының 2022 жылдың 16 наурызында жарияланған Жолдауында айтылған ауқымды саяси жаңғыру бағдарламасы Конституциялық тұрғыдан бекіді.
Бұл референдум Қазақстан қоғамы үшін маңызды оқиға болды. Өйткені біз ел дамуындағы жаңа кезеңге қадам бастық.
Ең бастысы, референдум – қоғамдық бірігудің жаңа деңгейге көтерілгенін көрсетті. Біз оны Президент және Парламент сайлауларында анық байқадық.
Жалпы, елімізде өте қысқа мерзімде жүзеге асырылған түбегейлі саяси реформалар аймақтағы бірегей құбылысқа айналды. Қазақстан жаңа күн тәртібін белгілеп берді.
Конституциялық реформа мен соңғы сайлау циклі жаңа саяси жүйенің келбетін қалыптастырды. Президенттің саяси жаңғыру бағдарламасын іске асыру жалғаса береді. Ашу / Түсініктеме