2022-04-21 04:00:58
Биыл болатын 75-ші мерейтойлы Канн фестивальінің постері.
Әдемілігі бір бөлек әңгіме, бір қарағанда неге осы суретті таңдады екен деген ойға жетелейді.
Бәлкім жақын арада карьерамды тәмәмдаймын деген, оскарсыз актер Жим Керриге деген құрмет пе?
Әлде 1998-99 жылғы Америка киносы "шағын ренессансының" көлеңкесінде қалып кеткен "Труман шоуының" авторлары Питер Уир мен Ендіриу Никколға жолданған сәлемдеме ме?!
Әлде бұл тру бола алмау дертіне шалдыққан XXІ ғасыр адамдарына үндеу ме?
Не де болса осы постер арқылы Канн фестивалі сапалы, көркем фильмдерге әрқашан адал екенін тағы бір дәлелдеді.
Канн фестивалі іс-шараның тек жүлде тарату емес екенін, әлемнің түкпір-түкпірінен келген кино шеберлерінің бас қосып, сұхбаттасатын, тәжірибе алмасатын кеңістік екенін дәлелдеп келе жатыр.
Бұл фестивальдің шығу тарихы да қызық. Канн фестивалі ең алғаш Еуропадағы ең үлкен кино фестивальдің Гитлер мен Муссолинидің фашистік идеясын пропаганда жасағанына протест ретінде ашылған болатын.
Роман Бұрқаш
Facebook
138 viewsedited 01:00