KAZ.NUR.KZ - Қазақстан және әлем жаңалықтары

2023-02-14 14:54:24 Шавкат Рахмонов UFC рейтингінде нешінші орында?

Қазақстандық файтер әлемдік рейтингте 10-орынды сақтап қалды.

Ол жартылай орта дивизионда сынға түседі. Бұл салмақта америкалық Камару Усман көш бастап тұр.

Айта кетелік, Рахмонов UFC-дегі келесі жекпе-жегін 4 наурыз күні АҚШ-та өткізеді.

t.me/kaznurkz Ашу / Түсініктеме

2023-02-14 12:16:56 Қасым-Жомарт Тоқаев Қазақстан агроинновациялық корпорациясына барды

Президент жылына 3 мыңға жуық ауыл шаруашылығы техникасын шығаратын корпорацияның технологиялық процесімен және өнім үлгілерімен танысты.

Бұл жерде тракторлар, комбайндар, экскаваторлар, шөп шабатын және жинайтын машиналар, тырмалар, тіркемелер, жүк тиегіштер, соқалар және тағы басқа ауыл шаруашылығы техникалары шығарылады.

Кейінгі үш жылда 121 миллиард теңгеге 6500-ден астам өнім түрлерін шығарған. Қазір корпорацияда 300-ге жуық адам жұмыс істейді.

t.me/kaznurkz Ашу / Түсініктеме

2023-02-14 10:20:34 Президент Қасым-Жомарт Тоқаев Түркия Республикасына қосымша гуманитарлық көмек жіберу жөнінде үкіметке тапсырма берді.

Мемлекет басшысының тапсырмасы бойынша жер сілкінісі болған аудандардағы зардап шеккендерге көмек көрсету үшін шатырлар, жылытқыштар, жылы киімдер және басқа да ең қажетті заттар жіберіледі.

t.me/kaznurkz Ашу / Түсініктеме

2023-02-14 09:47:53 Тағы бір Әділет вице-министрі тағайындалды. Ол - Ботагөз Жақселекова.

t.me/kaznurkz Ашу / Түсініктеме

2023-02-14 09:45:32 Даниель Ваисов Әділет вице-министрі болып тағайындалды.

t.me/kaznurkz Ашу / Түсініктеме

2023-02-14 09:09:41 Ұлттық музейдің бұрынғы басшысы Арыстанбек Мұхамедиұлының қамауда ұстау мерзімі тағы ұзартылды.

"2023 жылдың 13 ақпанында Астана қаласының мамандандырылған ауданаралық тергеу соты күдікті А. Мұхамедиұлының қамауда болу мерзімін 2 айға ұзартты", - делінген елордалық соттың хабарламасында.

Айта кетейік, сот 17 қаңтарда Арыстанбек Мұхамедиұлын қамауға алу мерзімін бір айға яғни 17 ақпанға дейін ғана ұзартқан еді. Енді соттың қорытындысына сәйкес, ол сәуір айының ортасына дейін қамауда болады.

t.me/kaznurkz Ашу / Түсініктеме

2023-02-14 08:21:46 Мемлекет басшысы Ақмола облысына жұмыс сапарымен барды.

Сапар аясында Қасым-Жомарт Тоқаев өңірдегі агроөнеркәсіп кешенінің бірқатар кәсіпорнына барып, энергетикалық және әлеуметтік нысандардың жұмысымен танысады деп жоспарланып отыр.

t.me/kaznurkz Ашу / Түсініктеме

2023-02-14 07:54:39 Премьер-министр Әлихан Смайылов үкімет отырысында Петропавлдағы мектепте болған оқыс жағдай халық арасында үлкен алаңдаушылық тудырғанын атап өтті.

Осыған байланысты ол мектептерде қауіпсіздікті арттыру шараларын пысықтауды тапсырды.

Үкімет басшысы:

Ішкі істер министрлігіне балалардың қауіпсіздігін арттыру бойынша келісілген ұсыныстар енгізуді,
Денсаулық сақтау министрлігіне зардап шеккен балаларды емдеуді ерекше бақылауға алуды,
Оқу-ағарту министрлігіне Ішкі істер және Төтенше жағдайлар министрліктерімен бірлесіп, қауіпсіздік сабақтарын әзірлеуді тапсырды.

Еске сала кетейік, 13 ақпанда Петропавлдағы мектептердің бірінде 9-сынып оқушысы үш баланы жарақаттаған еді.

Зардап шеккен балалардың екеуі ауруханаға жеткізілсе, біреуіне сол жерде медициналық көмек көрсетілген болатын.

t.me/kaznurkz Ашу / Түсініктеме

2023-02-14 07:21:19 Жер сілкінісінен қатты зардап шеккен Түркияның Газиантеп провинциясындағы Нурдагы қаласы толығымен жойылады.

Бұл туралы қала губернаторының міндетін атқарушы Осман Бильгин хабарлады.

Оның сөзінше, қала қайтадан салынады.

Осман Бильгиндің мәліметінше, қазіргі таңда үйінді астында адамдар болуы мүмкін соңғы сегіз үйде іздеу-құтқару жұмыстары жүргізіліп жатыр.

t.me/kaznurkz Ашу / Түсініктеме

2023-02-13 20:51:13 "Барыс" хоккей клубы тағы да жеңілді.


Құрлықтық хоккей лигасындағы кезекті ойынын елордалық ұжым санкт-петербургтік "СКА" клубына қарсы өткізді.

Астана қаласында өткен тартысты матчта "Барыс" 4:6 есебімен қарсыласына есе жіберді.

Фото: "Барыс" хоккей клубының баспасөз қызметі
t.me/kaznurkz Ашу / Түсініктеме