Қазақстан Жаңалықтары 🇰🇿

2022-08-20 12:41:51 Ұлытау облысының Сәтпаев қаласында тұрғын күшікті асқан қатыгездікпен қорлап, әбден аяусыз мазақ қылған. Соққыға жығылып, пышақ жарақатын алып, жоғарғы қаббаттан құлаған күшіктің жағдайы ауыр, деп хабарлайды Астана арнасы.

Винтера деп аталған күшікті еріктілер тауып алып көмек көрсеткен. Олардың айтуынша күшіктің сау-тамтығы қалмаған. Жергілікті тұрғын оны асқан қатыгездікпен қорлағаны сонша күшіктің өкпесі мен бауырына зақым келіп, денесі көгеріп, кесілген. Оны аман алып қалу үшін Алматыға арнай операцияға жіберілді.

Куәгерлердің айтуынша бұл іске жергілікті тұрғынның қатысы бар.

“Күшік кіре берісте қанға боялып жатты. Осы подъезде анасымен бірге тұратын бала оған көмек сұраған. Күшікті Алматыға алып барғанда, оның бауыры диафрагмаға, кеудеге түсіп кеткені белгілі болды.

Сол жерге ерікті ретінде барып, учаскелік полиция қызметкерін шақырып, көршілерден деректер сұрадық. Арыз жануарларға қатыгездік көрсету фактісі бойынша жазылды”,-деді Сатпаев қаласының еріктісі Анастасия Коуль. Ашу / Түсініктеме

2022-08-20 12:40:23 Назарбаев университетінің баспасөз қызметі білім беру мекемесінің басшылығы жағдайды түсіну үшін тергеуге жан-жақты көмек көрсететінін мәлімдеді, деп хабарлайды Ulysmedia.kz.

Назарбаев университетінің студенті айтқан, тексеруді талап ететін сексуалдық сипаттағы құқық бұзушылық жағдайлары туралы ақпарат бойынша Нұр-Сұлтан қаласы Есіл ауданының полиция басқармасы тиісті процессуалдық әрекеттерді жүргізіп жатыр. Университет кез келген зорлық-зомбылық әрекетіне мүлдем төзбеушілік қағидатын ұстанады және тергеуге жан-жақты көмек көрсетеді”, – деді Назарбаев университетінің баспасөз қызметі.

Бұған дейін әлеуметтік желіде белгісіз бойжеткен бейнеүндеу жасап, Назарбаев университетінің зорлық-зомбылық ордасына айналған.

Аталған мәселе Ішкі істер министрлігінің бақылауына бірден ілінді. Полицияда тексеру жұмыстары басталғанын айтты. Ашу / Түсініктеме

2022-08-20 12:39:02 Серік Жұманғарин Қазақстанның Еуразия экономикалық комиссиясы кеңесіндегі ресми өкілі болып тағайындалды.

Бұл жайында комиссияның ресми сайтында жарияланды. «Еуразия экономика комиссиясының кеңесінде Қазақстан атынан ҚР Премьер-Министрінің орынбасары – Сауда және интеграция министрінің міндеттерін атқарушы Серік Жұманғарин өкілдік етеді» делінген мәліметте.

Тиісті ресми хабарлама кеше Еуразия экономикалық комиссиясына келіп түскен.

Еске сала кетейік, Серік Жұманғарин таяуда ғана ҚР Премьер-Министрінің орынбасары – Сауда және интеграция министрінің міндеттерін атқарушы болып тағайындалған еді. Осы категория бойынша: « АЭС: әлемдік тәжірибе не дейді? Ашу / Түсініктеме

2022-08-06 17:31:43 Қостанай облысында қабан аулаушыларға бірнеше миллион теңге айыппұл салынды

Әулиекөл аудандық сотында ерекше қорғалатын табиғи аумақта заңсыз аңшылық жасаған төрт адамға үкім шығарылды. Олар ірі көлемде шығын келтірген, деп хабарлады Қостанай облыстық сотының баспасөз қызметі.

Іс Қазақстан Қылмыстық кодексінің 337-бабы 4-бөлігінің 1,4-тармақтары бойынша қаралды.

Сот күдіктілер 2 наурыз күні "Сарышығанақ" бөлімі аумағында алты жабайы шошқа атқаны анықталды. Ол "Науырзым мемлекеттік табиғи қорығы" республикалық мемлекеттік мекемесіне қарайды.

Қылмыстық әрекеттен қорыққа жалпы сомасы 13 783 500 теңге көлемінде материалдық залал келген.

Сот талқылауы барысында айыпталушылар кінәсін мойындау туралы прокурормен процессуалдық келісім жасасты. Барлық сотталушы кінәсін мойындап, процессуалдық келісімді толық қолдады.

Сот төрт жылға аң аулау құқығынан айыра отырып, әрқайсысына 2 000 АЕК (6 126 000 теңге) көлемінде айыппұл салды. Мемлекет кірісіне қарда жүретін көлік тәркіленді. Ашу / Түсініктеме

2022-08-06 17:20:05 Нұр-Сұлтанда анасы баласын бір ай бойы балабақшада қалдырған - сәби қайтыс болды

Нұр-Сұлтан сотында ата-ана құқығынан айыру туралы жантүршігерлік іс қаралды.

Нұр-Сұлтан қаласының кәмелетке толмағандардың істері жөніндегі мамандандырылған ауданаралық сотының баспасөз қызметінің мәліметінше, әйелдің екі баласы болған. Кіші қызын рұқсат құжаттарынсыз үйде жұмыс істейтін жеке меншік балабақшаға тәулік бойына тапсырған. Балабақшаға ақы төлемеген, қызына бір айдан астам уақыт келмеген. Үлкен қызы әжесінің бақылауында болған.

Осылайша, анасы бала тәрбиесінен шеттетілген.

"2022 жылы сәуірде жеке үйдегі балабақшада болған кіші қызы көз жұмды. Қылмыстық іс қозғалып, тергеу жүргізілуде. Баланың денесінде көптеген дене жарақаты болған", – деп атап өтті сотта.

Барлық жағдайды ескере отырып, сот шешімімен әйел үлкен қызына қатысты ата-ана құқығынан шеттетілді. Баланың болашақ тағдырын анықтау үшін үлкен қызы Нұр-Сұлтан қаласының білім басқармасына берілді. Анасынан алимент өндіріп алынды. Ашу / Түсініктеме

2022-08-06 17:16:07 Қазақстан-Өзбекстан мемлекеттік шекарасын демаркациялау туралы құжат жобасы қалыптастырылды

Қазақстан-Өзбекстан арасындағы мемлекеттік шекараны демаркациялаудың қорытынды құжаттарының жобалар пакетін қалыптастыру аяқталды. Бұл туралы ҚР Сыртқы істер министрлігінен мәлім етті.

2022 жылғы 25 шілде – 5 тамыз аралығында Алматы қаласында Қазақстан-Өзбекстан бірлескен демаркациялық комиссиясындағы Қазақстан Республикасы мен Өзбекстан Республикасы Үкіметтік делегацияларының кезекті отырысы өтті.

«Келіссөздер барысында тараптар Қазақстан Республикасы мен Өзбекстан Республикасы арасындағы Қазақстан-Өзбекстан мемлекеттік шекарасын шегендеу туралы шарт жобасының мәтінін келісуді және шекараны демаркациялаудың қорытынды құжаттары жобаларының пакетін қалыптастыруды аяқтады.

Келесі кездесу Өзбекстан Республикасында дипломатиялық арналар арқылы келісілген мерзімдерде өтеді», - делінген ведомство хабарламасында. Ашу / Түсініктеме

2022-08-06 17:11:43 Қазақстанда пияз бағасы 12 пайызға өсті

Қазақстанда бір айда пияз бағасы шамамен 12 пайызға өсті. Бұл туралы ҚР премьер-министрі Әлихан Смайылов әлеуметтік маңызы бар азық-түлік тауарларының бағасын ұстап тұру бойынша қабылданып жатқан шаралар туралы кеңесте мәлімдеді, - деп хабарлайды Tengrinews.kz

Кеңес барысында кейінгі айда баға 0,8 пайызға өскені айтылды. Пияз, қант және күріш қымбаттаған, ал қырыққабат, сәбіз және картоп бағасы керісінше төмендегені байқалған.

АШМ мәліметінше, бүгінде елімізде сиыр еті, құс еті, ұн, картоп, күнбағыс майы, тауық жұмыртқасы мен сүтті қоса алғанда, 680 мың тоннадан аса негізгі азық-түлік тауары бар.

Өңірлер арасында әлеуметтік маңызы бар азық-түлік тауар бағасы бір айда Ұлытау облысында 1,5 пайызға, Қарағанды облысында 1,4 пайызға және Қостанай облысында 1,3 пайызға өскен.

Үкімет басшысы пияз бағасының өсуі азаматтарды толғандыратын тағы бір мәселе болғанын атап өтті. Бір айда ең көп өсім Батыс Қазақстан, Жетісу, Түркістан облыстарында және Алматы қаласында тіркелген. Ашу / Түсініктеме

2022-08-06 17:05:52 Астанада базар күзетшісі ұрлық жасағаны үшін ұсталды

Жәбірленушінің айтуынша, ол таңертең жұмысқа шыққанда контейнердің терезесі сынғанын көрген. Келеңсіз жайттан күдіктеніп, тауарды санай бастаған ол жалпы құны 40 мың теңгеге жуық автомагнитола мен көлік дабылы жүйесінің жоғалып кеткенін білген. Полицейлер оқиға орнын тексеріп, куәгерлерді анықтау кезінде бір күн бұрын қолын кесіп, таңғышпен орап алған базардың 39 жастағы күзетшісіне назар аударған.

Жауап алу кезінде ер адам өз кінәсін мойындап, заттай айғақтар жасырылған базардағы орынды көрсеткен. Анықталғандай, бұрын қылмыстық жауапкершілікке тартылған базар күзетшісі мас күйінде дұрыс орнатылмаған пластик терезе арқылы контейнерге кіріп, ұрлық жасаған.

Ол ішке кіру кезінде терезеге тиіп кетіп оны сындырып, қолын кесіп алған. Ұсталған адамға қатысты сотқа дейінгі тергеу жүргізіліп, осыған ұқсас бұрын жасалған қылмыстарға қатысы бар-жоғы анықталып жатыр. Ашу / Түсініктеме

2022-08-06 16:55:54 Елордадағы Сауран көшесі ішінара жабылды

Нұр-Сұлтан қаласының Көлік және жол-көлік инфрақұрылымын дамыту басқармасы Сауран көшесінде жол жөндеу жұмыстары басталғанын мәлім етті, деп хабарлайды елорда әкімдігінің ресми сайты.

Осыған байланысты 6-20 тамыз аралығында Сығанақ көшесінен Керей-Жәнібек хандар көшесіне дейінгі аралықта көлік қозғалысы ішінара жабылатын болады.

«Елорда тұрғындары мен қонақтары қала жолдарында кептеліс тудырмау үшін қозғалыс бағытын алдын ала жоспарлауы қажет. Келтірілген қолайсыздықтар үшін кешірім өтінеміз және жөндеу жұмыстарының жүргізілуіне түсіністікпен қарауды сұраймыз», – делінген ведомство хабарламасында. Ашу / Түсініктеме

2022-08-06 16:50:58 БҰҰ Бас хатшысы ядролық қарудан бас тартуға шақырды

«Жаппай қырып жою қаруы бар екі мемлекетке ядролық соғыс жүргізу мүмкіндігі берілмеуі керек».

БҰҰ Бас хатшысы Антониу Гутерриш Жапонияда атом бомбасы құрбандарын еске алу шарасында осындай мәлімдеме жасады. Сонымен қатар Гутерриш жиынға қатысушылар ядролық қаруды қолданбау қағидатын берік ұстанатынына үміт білдірді.

Антониу Гутерриш, БҰҰ Бас хатшысы:

"- Әлем бойынша ядролық қаруға қатысты дағдарыс белең алып барады. Оны Таяу Шығыста да, Корей түбегінде де, Ресей мен Украина қақтығысынан байқауға болады. Ядролық қаруы бар мемлекеттердің мұндай соғыс бастауына мүлдем жол берілмеуі қажет." Ашу / Түсініктеме