Жаңалық Бүгінгі Хабар

2021-06-15 03:56:43 Ашу / Түсініктеме

2021-06-15 03:56:42 Ашу / Түсініктеме

2021-03-03 10:37:28 Baq.kz: Парламентте әрбір туған балаға 4,2 миллион теңгеден беру жайлы ұсыныс айтылды

Бүгін Мәжілістің жалпы отырысында депутат Ерлан Смайылов Үкімет басшысына депутаттық сауал жолдап, ана капиталын енгізуді ұсынды.

ЮНИСЕФ-тің «Қазақстан Республикасындағы балалардың жағдайын талдау» зерттеуіне сәйкес, еліміздегі балалардың 15,6 пайызы табысы ең төмен отбасыларда тұрады. Бұл шамамен 1 млн бала. Яғни елдегі әрбір алтыншы бала кедейшілікте өмір сүреді. Басым бөлігі - көпбалалы отбасының мүшелері. Бұдан бөлек, 500 мың толық емес отбасы бар. Жалғызбасты аналар мен жалғызбасты әкелердің жағдайы да мәз емес, - дейді Ерлан Смайылов.

Ол «мемлекет бір нәрсені анық түсінуі керек, бүгінгі кедей балалар – ол ертеңгі кедей мемлекет» деп отыр.

Әлеуметтік төлемдер тұжырымдамасынан адам капиталына ақша салу жүйесіне көшу қажет. Оны кәдімгідей идеологияға айналдыру керек. Практикалық шаралардың ішінен елімізде әрбір баланы туғаны үшін Қазақстан азаматтарына 4,2 млн теңге мөлшерінде мемлекеттік төлем түрінде ана капиталын енгізу орынды. Бұл қаражатты тұрғын үй сатып алуға және отбасының тұрғын үй жағдайын жақсартуға, баланың білім алуына, анасының зейнетақы жинақтарына мақсатты пайдалануға болады, - дейді депутат. Ашу / Түсініктеме

2021-02-11 23:26:56 Baq.kz: Халықаралық әуе рейстері саны ұлғайды

Тұрақты халықаралық жолаушылар рейстері ұлғайтылды. Бұл туралы ҚР ИИДМ баспасөз қызметі хабарлады.

Қазақстан Республикасы премьер-министрінің орынбасары Ералы Тоғжановтың төрағалығымен өткен Қазақстан Республикасының аумағында коронавирустық инфекцияның пайда болуы мен таралуына жол бермеу жөніндегі ведомствоаралық комиссияның 2021 жылғы 9 ақпандағы шешіміне сәйкес келесі елдермен тұрақты халықаралық жолаушылар рейстерін ұлғайтуға/жаңғыртуға рұқсат етілді, - делінген хабарламада.

1. Ресей - 7 рейске (әр тараптан аптасына 3-тен 10 рейске дейін):
- Нұр-Сұлтан - Мәскеу, әр тараптан аптасына 2-ден 4 рейске дейін;
- Алматы - Мәскеу, әр тараптан аптасына 1-ден 4 рейске дейін;
- Шымкент - Мәскеу, әр тараптан аптасына 1 рейстен қайта бастау;
- Ақтау - Мәскеу, әр тараптан аптасына 1 рейстен қайта бастау.

2. Мальдивтер - 3 рейске (аптасына 4-тен 7 рейске дейін):
- Алматы - Мале, қазақстандық әуе компаниялар үшін аптасына 4-тен 7 рейске дейін;

3. Қырғызстан - 1 рейске (аптасына 2-ден 3 рейске дейін):
- Алматы - Бішкек, аптасына 2-ден 3 рейске дейін;

4. Өзбекстан - 1 рейске (әр тараптан аптасына 3 рейстен 4 рейске дейін):
- Нұр-Сұлтан - Ташкент, әр тараптан аптасына 1-ден 2 рейске дейін;

5. Украина - 1 рейске (аптасына 1-ден 2 рейске дейін):
- Нұр-Сұлтан - Киев, аптасына 1 рейсті қайта бастау.

Рейстер санитарлық-эпидемиологиялық нормаларды қатаң сақтай отырып және әуе компаниялардың сайттарында жарияланған кестеге сәйкес орындалатын болады. Ашу / Түсініктеме

2021-02-11 23:24:38 Holanews.kz: Алматы тауларында қар көшкіні жүруі мүмкін

«Қазгидромет» 11-12 ақпан аралығында тауларда қар көшкіні жүруі мүмкін екенін ескертті. Осыған байланысты синоптиктер алматылықтардан тауға бармауды сұрады.

«Үлкен және Кіші Алматы өзені бассейнінде жауын-шашынның көп түсуіне және қар жамылғысының тұрақсыз жағдайына байланысты қар көшкіні түсуі ықтимал. Сол себепті тік қарлы беткейлерге, тауға шықанда абай болыңыздар», — деп ескертті «Қазгидромет» өкілдері.

Айта кетейік, 10 ақпанда Алматыда 15 сантиметрге дейін қар түсті.

Синоптиктердің хабарлауынша, 13 ақпаннан бастап күн жылынады.

https://kaz.holanews.kz/news/97690 Ашу / Түсініктеме

2021-02-11 23:22:41 Stan.kz: Ресей Қазақстанда жаңа атом электр станциясын салмақшы

Ресейдің Қазақстандағы елшісі Алексей Бородавкин жаңа сұхбатында Ресей Федерациясы Қазақстанда жаңа атом электр станциясын салуға дайын екенін айтты.

Елші бұл туралы «Комсомольская правдаға» берген сұхбатында айтты.

Бородавкин Қазақстан мен Ресей арасындағы ынтымақтастық ауқымды болуы мүмкін, бірақ әлі толық жүзеге асырылмаған 5 негізгі бағыт туралы айтты.

Дипломат аталған бағыттарды атады: үкіметтік емес қорлар мен ұйымдар, жастар мен ардагерлер одақтары, еріктілер қозғалыстары, сондай-ақ бұқаралық ақпарат құралдары мен блог жүргізу саласы арасындағы байланысты нығайту;

Коронавирустық пандемияға байланысты инвестициялық және сауда шығындарын өтеу;

ЕАЭО-ның барлық елдері үшін цифрландыру саласындағы интеграция;

Қоршаған ортаны қорғау саласындағы ынтымақтастық;

Таза энергия.

Энергетика туралы айта отырып, елші Қазақстанға әлемдегі басқа мемлекеттер сияқты таза энергия қажет екенін атап өтті.

«Осы саладағы ең тиімді шешімдердің бірі - атом электр станциялары. Электр энергиясының болжамды жетіспеушілігін ескере отырып, атом электр станциясының құрылысы Қазақстан үшін айрықша өзекті тақырыпқа айналуда. Росатом зауыттың қауіпсіздігі мен қоршаған орта тазалығына кепілдік бере отырып, бұл жобаны қолға алуға дайын », - деді Бородавкин.

Дипломат құрылыс кезінде ең озық технологиялар қолданылатындығын атап өтті. Сонымен қатар, АЭС жобасы таза энергиядан басқа, Бородавкиннің пікірінше, «Қазақстан экономикасының көптеген салаларына серпін береді, білікті жұмыс орындарын ашады және ядролық физика бойынша жоғары білім сапасын арттырады.
https://stan.kz/resey-kazakstanda-zhana-atom-elektr-stanciyasin-saluga-343094/ Ашу / Түсініктеме

2020-12-10 23:58:06 Inform.kz: Google Қазақстанда 2020 жылы ең жиі сұралған мәліметтер тізімін жариялады

Google іздеу жүйесі Қазақстанда 2020 жылы ең жиі сұралған мәліметтер тізімін жариялады, деп хабарлайды ҚазАқпарат тілшісі.

Өтіп бара жатқан 2020 жылы қазақстандықтар Google–дан «Коронавирус» сөзін ең жиі іздепті. 2020 жылдың «қашықтықтағы» жылға айналғаны белгілі. Осыған байланысты білім ресурстарына деген сұраныс бірден артқан. Осылайша сұраныстардың алғашқы орындарына Онлайн мектеп, Күнделік.кз, Ок едус, Классрум және Білім ленд ресурстары жайғасқан. Сонымен бірге қазақстандықтар АҚШ-тағы сайлау туралы ақпаратты, 42 500 теңге туралы мәліметті көп іздеген. Сондай-ақ Egov.kz порталына кіргендер де көп. «Қағаз үй» («Бумажный дом») сериалына деген сұраныс та жоғары болыпты.

Адамдардың есімі жағынан қазақстандықтар кенет қайтыс болған Айсұлтан Назарбаевты Google–дан көп іздепті. Екінші орында – Коби Брайант. Ол өткен жылдың қаңтар айында әуе апатынан қайтыс болған америкалық баскетболшы. Сонымен бірге қазақстандықтардың саясатқа қызығушылығы жоғары екені байқалады. Себебі Джо Байден, Дональд Трамп, Алексей Навальный және Александр Лукашенко секілді саясаткерлердің есімін іздеу жүйесіне қойып, көп іздепті. Сонымен қатар қазақстандық пайдаланушылар Михаил Ефремов, Артем Дзюба, Чедвик Боузман және Борис Клюев туралы ақпаратты да іздеген.

Қазақстандық Google пайдаланушыларының нұсқасы бойынша жыл фильмі - «Жұқтыру» («Заражение») триллері. Сонымен бірге «Жылдың фильмі» категориясындағы ең сұранысқа көп ие болғандардың қатарында «Бабалар үні» («Зов предков»), «Содан соң 2» («После 2»), «365 күн» («365 дней»), «Холоп» комедиясы және «Мұзды өлке - 2» («Холодное сердце 2») және «Малефисента 2» бар.

Үздік ондыққа Гай Ричидің «Джентльмендер» қылмыстық комедиясы мен өткен жылдың «Үздік фильмі» номинациясында «Оскар» сыйлығын және өзге де көптеген айтулы марапаттарды алған оңтүстік кореялық картина «Паразиттер» кірді. Отандық кинематографтан Топ-10–дыққа «Бизнес по-казахски в Корее» комедиясы енген.

«Жылдың сериалы» категориясының көшбасшы үштігіне «Қағаз үй» («Бумажный дом»), «Элита» және «Қатыгез Ыстанбұл» («Жестокий Стамбул») сериалдары кірді. Қазақстандықтар бұрынғыдай түрік және оңтүстіккорейлік сериалдарды көп қөреді.

«...дегенiмiз не?» деген сұрақты қоя отырып, қазақстандық Google пайдаланушылары БСН, пандемия және БӘЖ-дің не екенін білгісі келіпті. Сонымен бірге қазақстандықтар IBAN, кластер, үстеу, эпитет, ҰАД, сөз тіркесі мен коронавирус мағыналарына жиі қараған.

2020 жылы «Жылдың сатып алынған заты» санатында тағы да үш жыл қатарынан – теміржол билеті жеңімпаз атанды. Сонымен бірге осы жылы қазақстандықтарды пульсоксиметрді, Алматы қаласындағы үйлерді, бассейн мен велосипед сатып алу жайлы ақпарат қызықтырған. Ашу / Түсініктеме

2020-12-09 06:15:58 Sn.kz: Хакерлер әлемдік экономикаға 1 трлн доллар шығын келтірген

Киберқылмыстар салдарынан дүниежүзілік экономикаға келген шығын мен киберқылмыстардан сақтануға кеткен қаржы биыл 1 триллион доллардан асты, деп хабарлайды Хабар 24.

Екі жыл бұрын бұл сома шамамен 600 млрд долларды құраған. Бұл туралы McAfee вирусқа қарсы бағдарламалық жасақтама компаниясы мен Стратегиялық және халықаралық зерттеулер орталығының (CSIS) бірлескен есебінде айтылған.

Әлем бойынша ел үкіметтері мен компаниялар хакерлік шабуылдардан шамамен 945 млрд доллар, ал киберқауіпсіздікке қосымша шығындар үшін тағы 145 млрд доллар жоғалтқан. Кибершабуылдың салдарынан болған жұмыстағы ең ұзақ үзіліс 18 сағатты құрап, ұйымдарға орташа есеппен жарты миллион доллардан астам шығын келген.

Пандемия кезінде адамдардың интернеттегі белсенділіктері едәуір артты, бұл қылмыскерлерге де көп мүмкіндік берді Ашу / Түсініктеме

2020-12-09 06:14:15 https://qaz.neonomad.kz/flyarystan-biletterin-2-999-te-geden-satyp-zhatyr/ Ашу / Түсініктеме